Обутова-Эверстова Мария Петровна
Обутова-Эверстова Мария Петровна — драматург, 1993 сылтан Саха Республикатын суруйааччыларын Сойууһун чилиэнэ, Саха Республикатын Үөрэҕин туйгуна, Нам улууһун Бочуоттаах олохтооҕо.
Олоҕун олуктара
- 1928 сыллаахха Нам улууһугар Көдөhү нэһилиэгэр төрөөбүтэ. Аҕата Обутов Петр Николаевич аахпат-суруйбат эрээри тэрийэр дьоҕурдаах буолан холкуоска биригэдьиир, бэрэстээтэл этэ. Ийэтэ - Обутова Евдокия Прокопьевна үс оҕотун көрөн дьиэтигэр олорбута. Ийэтин аҕата олоҥхоһут эбит. Атын улуустартан олоҥхотун истэ кэлэхтэринэ хас да күннээх түүн олоҥхолуура үһү. Көдөһү бастакы сүһүөх оскуолатын бүтэрэн баран 1942 сыллаахха Дьокуускайга Федоровтар диэн чугас аймахтарыгар олорон салгыы үөрэммитэ. Оскуоланы 1947 сыллаахха бүтэрбитэ. 1949 сыллаахха Эверстов Ксенофонт Агеевич диэн военкомат үлэһитигэр кэргэн тахсыбыта, эрин үлэтинэн Саха Сирин барытын кэрийэ сылдьан олорбуттара.
- 1964 сыллаахха маҥнайгы драматын "Күөрэгэйи" суруйбута. Хоһоонноро, уочаркалара, ахтыылара 1950 сылтан сурунаалларга хаһыаттарга тахсан барбыттара.
- 1968 сыллаахха Саха музыкальнай-драматическай театрыгар "Күөрэгэй" драмата турбута.
Айымньылара
- Күөрэгэй: 4 хартыыналаах лирич. драма. - Дьокуускай, 1972
- Ньургуһун. - Дьокуускай, 1978
- Мөккүөр: оҕолорго пьесалар. - Дьокуускай, 1981
Ылыллыбыт сирэ
- Писатели земли Олонхо. биобиблиографический справочник. Якутск, 2000
Сигэлэр
- Обутова-Эверстова Мария Петровна // nlib.sakha.ru (нууч.)
This article uses material from the Wikipedia Саха тыла (Saxa Tyla) article Обутова-Эверстова Мария Петровна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.