Общество имени Михаила Качковского — русинска сполоченско-културна организация, закладена в року 1874 о.
Иваном Наумовичом в Галичинѣ и ликвидована комунистичнов владов по анексии Галичины в року 1939.
Общество имени Михаила Качковского | |
Гесло | Моли ся, учи ся, труди ся, трезви ся |
---|---|
Закладатель | Иван Наумович |
Взник | 20. август 1874 |
Заник | 1939 |
Тип | сполоченско-културна организация |
Сѣдлиско | Львов, Валова 14 (од 1904) |
Члены | 5596 (1877) ≈6000 (1878) 4136 (1890) |
Общество было закладене в Коломыи 8.(20.) августа 1874 (в день смерти М. Качковского). Але уже наступного року перенесло свое сѣдлиско до Львова, де лѣпше могло ся активизовати. Задачами общества было ширѣня наукы, воспитаня роботности, тверезности, шпоровливости, сполоченской свѣдомости тай иншых честнот серед руского люду в Австро-Мадярщинѣ. Курто сформуловав принцип чинности общества його инициатор, о. Иван Наумович: «Моли ся, учи ся, труди ся, трезви ся» — и тоты слова стали ся геслом организации. Патроном общества быв выбраный Михаил Качковскый (1802–1872), котрый вшиток свой маеток, 60 000 ринскых золотых, в тестаментѣ одказав Народному дому во Львовѣ, жебы зыск з того капиталу служив на културу и просвѣту галичскых Русинох.
This article uses material from the Wikipedia Русиньскый article Общество им. М. Качковского, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.