Бѣла Тиса — горска рѣка в Закарпатской области Украины, лѣвый суток Тисы (базен Дуная).
Бѣла Тиса | |
---|---|
Fehér Tisza мад. | |
Бѣла Тиса, 1941 | |
Закладны числа | |
Довжка току | 26 км |
Плоха базену | 489 км2 |
Выток | |
Суток Балзатула и Стоговця Надморска вышка 800 м | |
Устя | |
Суток з Чорнов Тисов на 966-м км од устя Тисы Надморска вышка 460 м | |
Путь до моря | |
Тиса → Дунай → Чорне море | |
Бѣла Тиса на Викискладѣ |
За выток Бѣлой Тисы поважують суток горскых рѣчок Балзатул и Стоговець на югозападных убочах масиву Чорногора, надморска вышка 800 м. Долина рѣкы V-подобна, ширина корыта 15–20 м; суть порогы и быстрины.
Бѣла Тиса зливать ся з Чорнов на сѣверной околици Рахова Устерѣкы в надморской вышцѣ 460 м, творячи зачаток Тисы. Спад рѣкы 13 м/км.
Живлѣня мѣшане, переважать дождьове. Замерзаня зачинать ся в конци новембра, але замерзать рѣка рѣдко. Очищать ся од леду в фебруарѣ – марцу. Гидрологичы посты суть около сел Лугы и Ростокы. На окремых усѣках корыто Бѣлой Тисы укрѣплене. Рѣка служить на водозастачаня и рыбарство.
На 19-м километрѣ од устя Бѣла Тиса приимать правый приток — рѣку Говерла, котра мать свой выток о еден километр на юговосток од вершины Говерлы в пасмѣ Чорногора в надморской вышцѣ 1824 м. В том же сутоку приимать яко лѣвый приток рѣку Стоговець, котра мать выток в Мармарошскых Верхах. З тых двох рѣк важнѣйша ся поважовала Говерла, так же твердило ся, же «Бѣла Тиса зачинать ся в Чорногорѣ» и ей довжка 33,5 км (Говерла зарахована як ей часть). В каталогу рѣк Украины (1957) зачаток Бѣлой Тисы быв дефинованый яко суток на 19-м километрѣ Говерлы и Стоговця, так же довжка Бѣлой Тисы была лем 19 км.
Подля новой дефиниции Бѣла Тиса зачинаться сутоком Балзатула и Стоговця, ей довжка 26 км (+7 км — оддалѣня меджи тыма двома сутоками). О тоты 7 км уменшила ся довжка Стоговця, а окрем того уже вытокы Бѣлой Тисы належало гледати в Мармарошскых Верхах.
В року 2000 експедиция Сегедского научного товаришства и Карпатскый биосферный заповѣдник, озброены найновшов апаратуров вымѣряли, же выток Стоговця находить ся высше, як то думали дотеперь, в надморской вышцѣ над 1400 м под верхом Стог. Было тыж вымѣряно, же основный приток е Стоговець подля его протока, так же Балзатул ся мать поважовати за приток Стоговця, што мимоходом, зазначено и в каталогу рѣчок еще в року 1957. В мѣстѣ найденого вытоку замонтовали памятну таблу з двоязычным текстом. В далшых експедициях провели точны вымѣры и мапованя. Координаты вытоку Бѣлой Тисы ( точнѣйше: Стоговця) суть 47°57′54.7″N 24°31′56.8″E / 47.965194°N 24.532444°E, надморска вышка 1484 м.
This article uses material from the Wikipedia Русиньскый article Бѣла Тиса, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.