Бактериофаг, або тыж фаг, од лат.
Бактериофагы суть выразно меншы од бактерий, их великость ся звычайко колыше в границях 20-200 нм. Типичный бактериофаг мать головку и хвостик. Головка складать ся з протеиновой капсиды, котра в собѣ обсягуе генетичный материал — нуклеовы квасы: DNA або RNA. Хвостиковы волокна и закладна плоха зоз клинцями служать, жебы ся прихопити ку поверху бактерии. Бактериофаг выпустить фермент, котрым ся роспустить стѣнка бункы бактерии, а через каналик выпустить до бункы свои нуклеовы квасы. Под их вплывом синтеза протеинох бактерии заставить ся, а зачне ся синтеза нуклеовых квасох и протеинох бактериофага. Так ся выплодить нова генерация бактериофагох и зачне жерти новы бункы.
То ся тыче вирулентных фагох, але суть тыж симбиотичны фагы, котры не знищують бактерии, лем сполужиють з нима.
Батериофагох в природѣ е велике множество. Суть монофагы, котры паразитують лем на едном видѣ бактерий, а суть полифагы, котры ся плодять на веце видах. Практично каждый вид бактерий мать и свой бактериофаг.
Штудованя бактериофагох давать знаня о многых проблемах дѣдичности и перемѣнчивости. Бактериофагы успѣшно хосновали в лѣчѣню инфекчных хворот (тифус, холера, чума и др., в сучасности з росширѣньом антибиотикох, тото выхоснованя ся зузило.
This article uses material from the Wikipedia Русиньскый article Бактериофаг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.