О. Ге́нри, англ. O. Henry, властным йменом Ви́ллиам Си́дни По́ртер, англ. William Sydney Porter; 11. септембер 1862, Гринсборо, Сѣверна Каролина, США – †5. юн 1910, Ню Йорк, США — америцкый писатель, великый майстер новелы, характерной тонкым гумором и нечеканов розвязков.
О. Генри | |
---|---|
William Sydney Porter | |
Фото з року 1903 | |
Уроджѣня | William Sydney Porter септембра 11, 1862 Гринсборо, Сѣверна Каролина, США |
Умертя | юна 5, 1910 (47 р.) Ню Йорк, США •пневмонія |
Погреб | Montford Area Historic District |
Псевдоним | O. H.; O. Henry;Olivier Henry |
Занятя | писатель |
Язык творох | анґліцькый |
Горожанство | США |
Час творбы | 1899–1910 |
Жанры | новела |
Тренд | гумор |
Батько | Algernon Sidney Porter |
Супруг(а) | unknown |
Дѣти | Маргарет Уорт Портер |
Вызначны роботы | Четыри милионы, 1906 Выкуп Червеного Вождя, 1910 |
VIAF:46770914; GND:118639536; LCCN:n79071080; FAST:38267; BNF:12003963j; NLKR/NLC:jn19981001453; OL:OL2101175A; |
Походив з родины дохтора. В року 1881 достав диплому лѣкарника. Працовав патикарьом, продавачом, грав в аматерском театрѣ, писав пародии, фельетоны, вершы, котры публиковав в пресѣ. Служив банковым касиром, а в роках 1898–1901 одбывав кару в криминалѣ штата Огайо, обвиненый за манко. Там, в криминалѣ, яко фаховый лѣкарник достав роботу патикаря и годен быв писати, обы заробити и подтримати родину. Ту написав свою перву новелу Рождественный дар Свистуна Дика (Whistling Dick's Christmas stocking, 1899), котра вышла под псевдом О. Г. З арешту В. С. Портер выйшов уже яко популарный писатель О. Генри.
Од року 1902 жив в Ню Йорку и послѣдны 8 рокы живота были верщинов его творчости. Наперек тому, же новелы му мають все щастливый конець, его властный живот не быв щастливый. Мав три рокы, коли умерла му мати, и его воспитаня взяла на себе тета по отцьови. Оженив ся в року 1887, жена му была хвора на гертику, а в року 1897 умерла. Сам Портер быв тыж слабого здоровля, а в конци живота ку тому имив ся пити. Ай друга женитва (1907) была нещастлива, жена го лишила по двох роках. Од року 1919 установлена награда памяти О. Генри (O. Henry Prize), котру достають авторы найлѣпшых америцкых новел.
Творы О. Генри, гуморны ай ироничны, указують широку панораму живота розличных версти америцкого сполоченства (его герои суть канцеларникы, продавачкы, фармеры, ковбои, махеры, волочугы, котрых зображать з глубоков симпатиов). Про новелы суть характерны заимаючый сюжет, переплетѣня комичного и трагичного, нечекана, але щастлива розвязка. Язык автора бивно набитый каламбурами, алузиями, остроумныма поровнанями, америцкым сленгом. В сучасности О. Генри — еден з найвецей читаных и популарных авторох в цѣлому свѣтѣ.
This article uses material from the Wikipedia Русиньскый article О. Генри, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.