Крайчир, од ст.слав краяти — професия, ремеселный фах особы, котра выраблять шатя на мѣру про индивидуалного одберача з полотна, трикотажы, або сукна.
Тота професия ся вывинула уже в XIII. сторочу.
В найдавнѣйшых часах одежа служила як средство закрытя тѣла. Облечиво было вольне, бивне, котре так легко было справити з едного ци двох кусох полотна. Аж од добы Ренесанции робленый акцент на формы людского тѣла. Вольне облечиво давнѣйшых доб куртили и затяговали, и наконець розрѣзали и сшивали, пробуючи наслѣдовати контуры людского тѣла. Так ся родило крайчирство и, въедно з ним, мода.
Подля списованя з року 1890 в Мадярском кральовствѣ (включно з Хорватиев) были заевидованы 22923 крайчиры (з того 22708 хлопы и 215 жены).
Днесь ся тота професия выучуе на середних фаховых школах, замѣряных на выробу и оправу облечива. Крайчирь тыж е убраньовым радником: годен порадити при выберѣ облечѣньового материала, моды, крою, фарбы и подобне. Обычайны суть шпециализации на выробу хлопского, женского, дѣточого и робочого облечива.
This article uses material from the Wikipedia Русиньскый article Крайчир, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.