Иван Комловший

октобер">15. октобер 1920, Росвигово, Подкарпатска Русь, Чехословакия – † 16. октобер 1996, Берегово, Украина) — русинскый педагог, крайознатель, културный и сполоченскый дѣятель, писатель.

Иван Комловший Иван
Іван Федорович Комловшій укр.
Чинность	учитель, крайознатель, културный и сполоченскый дѣятель, писатель
Горожанство	Чеськословеньско, СССР, Україна
Уроджѣня	октобра 15, 1920(1920-10-15)
Росвигово, Подкарпатска Русь, Чехословакия
Упокоеня	октобра 16, 1996 (76 р.) Берегово, Украина
Ошкола	Мукачівська гімназія, Ужгородска народна универзита (1945; 1950)
Русинська педагогічна енциклопедія. — Ужгород: Карпатська Вежа, 2005.

Походжѣня
Родив ся в Росвиговѣ (днесь часть правобережного Мукачова). Походив з родины желѣзничаря.

Школы и писательство
Учив ся в Мукачовской реалной гимназии, затым закончив учительску семинарию (1943). Его первы информации з краю, курты шкицы зачали ся появляти в пресѣ уже в року 1937, а найактивнѣйша литературна творчость припала на рокы 1938–1943, коли написав понад 200 повѣдань, новел, едноактовок. Быв меджи закладателями Союза угро-русских писателей (1940–1944). Выступав на будапешском и кошицком радио о проблемах школ Подкарпатя. Его публикации ся появляли в периодиках Карпаторусскій орелъ, Русская правда, Русское слово, Карпаторусскій голосъ, Русскій народный голосъ, Наш путь, Литературна недѣля, Земледѣльскій календарь, в алманахах Живая струя (1940), Шаги (1941), Литературный альманах (1943). Окремов книжков выйшла едноактовка В корчмѣ (1942). Выступав з публицистичныма статями о краю в пресѣ Подкарпатской Руси, Чехословакии, Мадярщины, Югославии, Франции, Нидерландох, Белгии, США.

Педагогична чинность
По зысканю учительской дипломы быв посланый директором зачаточной школы до верховинского села Тюшка (1943), але ещи того року зостав мобилизованый на алтернативну военну службу в трудовых оддѣлах, мад. munkacsapat, котру служив в Дебреценѣ и Шопронѣ. Одты утѣк до Будапешту, де быв участник руху одпору, а з приходом Червеной армады в ей рядах служив яко товмач и дойшов до Вѣдня. По войнѣ куртый час працовав в новинцѣ Szabad nép (Будапешт), а влѣтѣ 1945 вернув ся до Мукачова, де працовав директором Парку културы и спочивку, директором Дома културы, библиотекарьом, и зыскав высокошколску диплому на филологичной факултѣ Ужгородской державной универзиты (1945–1950). Од року 1950 жив в Береговѣ и працовав директором школы — в Варах, а од року 1975 — в Грабаровѣ. Пензионовав в року 1984. Як добрый крайознатель, организовав на школах крайознательску роботу, до котрой прилучав и школарьох и учительох.

Библиофилство
Иван Комлоший быв добрѣ познатый библиофил, котрый зобрав велику колекцию публикаций з истории, литературы и новинарства Подкарпатской Руси.

• Топанкы
• Наверненя
• Чорт под городинов
• Осень на верховинѣ

• Алмашій, Михайло (2005): Русинська педагогічна енциклопедія. — Ужгород: Карпатська Вежа, 2005. — 304 с. ISBN 966-2674-43-Xукр. Сс. 122–123.
• М. Алмаший (2001): Комловший Иван Федорович //Поп, Иван: Энциклопедия Подкарпатской Руси. — Ужгород: Изд-во В.Падяка, 2001. — 431 с. ISBN 966-7838-23-4 русс. Сс. 214–215.
• Хланта І. В.: Комловшій Іван Федорович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. ISBN 978-966-8924-33-0укр. Сс. 170–171.