Жак Оффенба́х, фр.
юн">20. юн 1819, Келн — † 5. октобер 1880, Париж — французскый композитор, театралный диригент, виолончелиста, импресарио, закладатель и выникаючый представитель французской опереты.
Жак Оффенбах Jacques Offenbach | |
---|---|
французскый оперетный композитор | |
Закладны информации | |
Оригин. имя | Jacques Offenbach |
Родне имя | Jakob Eberst |
Уроджѣня | юна 20, 1819 Келн, Кральовство Пруссия |
Упокоеня | октобра 5, 1880 (61 р.) Париж, Франция |
Жанры | опера, опера буфф, оперета, класична музика |
Занятя | композитор, музикант, диригент, импресарио |
Инштрументы | виолончело |
Знаменитый выкон | |
Орфей в пеклѣ Казкы Гоффмана | |
Jacques Offenbach на Вікіскладѣ |
Походив з жидовской родины, отець му, Исаак Юда Ебершт з Оффенбаха на Майнѣ, быв кантор и гуслиста в синагозѣ а дѣтвака од 6 рокы приучив ку гуслям а од 9 рокы ку виолончелу. Жак зо старшым братом и сестров одтогды уже выступовали публично яко родинне трио. Од року 1833 дав го отець учити ся на конзерваторию до Парижа.
Париж быв тогды музыкальный центер Европы. Оффенбах вшак учив ся на Парижской конзерватории лем рок, а пак скусив хлѣб вольного умѣлця яко композитор и виолончелиста. Концертовав по Западной Европѣ, а первый успѣх добыв в Лондонѣ, де выступовав перед Кралицьов Викториев и принцом Албертом (1844).
В роках 1850–1855 быв кадровым композитором и диригентом театра Комеди Франсез, а в роках 1855–1862 провадив властный театер Буфф Паризьен в Парижу не лем як его директор, але и композитор, и диригент и режисер. В театрѣ ся представляли курты музично-театралны сцены на 3–4 актеры, едноактовы опереты, а од року 1858 повноформатны опереты. Ту Оффенбах створив и представив едну з лѣпшых своих оперет, Орфея в пеклѣ (1858), котра стала ся остроумнов пародиев на традичну оперу и на французске буржуазно-аристократичне сполоченство. Творчость Оффенбаха зыскала найвекшый успѣх в 60-х роках, але и зоз добрыма зысками не знав добрѣ газдовати и его театер закончив финансовым крахом (1875). По програной франко-прусской войнѣ (1870–1871) в Парижу упадать интерес ку оперетной музицѣ.
Оффенбах скусив глядати проспериту в США (1876–1877), без очевидного успѣху: о побытѣ в США написав книгу Запискы путуючого музиканта (Notes d'un musicien en voyage, 1877).
В послѣдны рокы живота композитор переживать новый розцвѣт творчости. В тоты рокы написав лирико-фантастичну оперу Казкы Гоффмана, котру завершив лем про клавир.
Оффенбах написав понад 100 музично-театралных дѣл, переважно оперет.
Ачей, найславнѣйшыма суть:
This article uses material from the Wikipedia Русиньскый article Жак Оффенбах, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.