Бери-Бери

Хворота росширена в Южной и Восточной Азии. Засягуе нервну и кардио-васкуларну системы.

Общы симптомы суть утрата апетиту, бездячность, порухы травлѣня, чутя затерпнутя и слабости в удах. При сухой бери-бери наставать поступна дегенерация нервох, раз в ногах, а пак и в руках, атрофия мускулох и утрата рефлексох. При вогкой бери-бери, што е острѣйша форма наростать запухнутость од надбытку течи в тканях, котра веде до слабой циркулации и наконець смерти од сердцьовой недостаточности. У годят, котрых плекають матери, што мають дефицит тиамину може настати нагло прогресуюча поруха сердця. Кедь е засягнута нервова система, штруктурны ошкоджѣня ей бунок в серьозных припадах можуть быти ненавратны.

Хворота ся розвивать при тырвалом недоживлѣню витаминами групы B, главнѣ B₁(примарна B-авитаминоза). Секундарна B₁-авитаминоза, котра мать не так зъявны симптомы, наставать в припадах:

• нарушеной абсорбции витаминох групы B в черевах;
• надмѣрной их спотребѣ организмом;
• ускореном их роскладѣ в организмѣ.

Тяжа або лактация, алкоголизм, хроничны хвороты тонкых черев, переход на нормалне костованя по голодованю.

Постельовый режим, великы давкы витамина B₁ тай иншых зоз групы B, страва, богата на бѣлковины.

• Авитаминоза
• Гиповитаминоза

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
• Beriberi, disease. //Encyclopaedia Britannica.
• Бери-бери. //Краткая медицинская энциклопедия.

 

Вікісклад має мултімедіалны дата на тему:

Бери-бери