Gicã Coadã (faptu 15 Brumaru 1961, Tulcea, Dobrogea) easti unu cãntãtoru di-tu Romãnia, cu zãrtsini armãneshtsã.
Ira faptu pi 15 Brumaru 1961 tu comuna Beidaud, Giudets Tulcea di pãrintsã Armãnji, Dumitru shi Tana Coadã. Easte defterlu ficior a taifãljei, pi ningã daole surãri a lui Zoitsa shi Tsuca. Sã-nsurã tu anlu 1991 cu Mirela Cocea, cu cai au dao fumelji: Tania-Cãtãlina shi Dimitrie.
Tu anlu 1973 fudzi s-bãneadzã Bucureshlji, sh-dupu 3 anji ira debitant cã solistu vocal di muzicã-armãneascã. S-fãtsea cunuscut cu grupa a lui "Grailu Armãnescu". Ma nãpoi, pãnã la ahurhita a anjljor naodzãtsi, ira parte di grupa "Gramostea".
Ljea-parte pi tutile evenimente armãneshci - numtsã, pãtãgiune sh.a. tu Rumãnie sh-nãfoarã. Protlu turne di contserte nãfoarã di Rumãnie ira tu anlu 1987 tu URSS, Moscova shi Leningrad. Di Mailu anlu 1990 nica cãntã ti publica armãneascã tu Statile Unite ali Americhie - New York, Los Angeles, tu Ispania, Italia, Gãrtsia, Ghirmania, Republica Machedonia sh.a.
Pi ninga-atsea tsi cãntã ca solistu, poate shi s-gioacã pi instrumente muzicale, ca harmonica shi ghitara.
Tu presa romãneascã easte cãnãscut shi cã "Cãntãtorlu tsi nai ma ãlji ariseashce al Gheorghe Hagi".
This article uses material from the Wikipedia Armãneashce article Gicã Coadã, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Conținutul este disponibil sub CC BY-SA 4.0, exceptând cazurile în care se specifică altfel. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Armãneashce (DUHOCTRUNGQUOC.VN) is an independent company and has no affiliation with Wiki Foundation.