Wakkanai

Ella è la sedia administrativa da la sutprefectura da Sōya e la citad il pli al nord dal Giapun. En la vischnanca sa chatta il punct il pli al nord dal Giapun, il cap Sōya, dal qual ins vesa da bun'aura l'insla russa Sachalin.

Il num da la citad deriva da l'ainu Yam-Wakka-Nay (ヤムワッカナイ, Yam-Wakka-Nay^?) che munta „l'aual en il qual curra l'aua fraida“, da yam „fraid (da tutgar)“, wakka „aua (schubra, da baiver)“ e nay „aual, flum(in)“. L'emprim morfem è ì a perder en il num giapunais. Ils kanji (bustabs chinais duvrads per scriver il giapunais) èn vegnids tschernids per lur valur fonetica (pronunzia), els na transportan betg la muntada dal num.

Las industrias las pli impurtantas èn la pestga, l'economia da latgiras e l'agricultura.

Wakkanai dispona d'in atgna plazza aviatica e d'in port. Per via terrestra èsi accessibel tras la lingia principala da Sōya da la viafier JR e tras las vias naziunalas 40, 232 e 238.

Partenadis existan a l'intern cun Ishigaki, la citad il pli al sid dal Giapun, ed a l'ester cun Juschno-Sachalinsk (Sachalin, Russia) e Anchorage (Alasca, USA).