La Scola chantunala grischuna (tudestg Bündner Kantonsschule, talian Scuola cantonale grigione, il bajetg principal era enconuschent co Scola chantunala Halde) a Cuira è la pli gronda scola media dal chantun Grischun.
Ella sa chatta a la veglia Via da Scanvetg/Via d‘Arosa 2 directamain sper la Scola auta da teologia Cuira.
L‘onn 1850 èn la scola chantunala evangelica e la scola chantunala catolica vegnidas messas ensemen e la Scola chantunala grischuna è vegnida fundada. La scola, che ha unì las duas confessiuns, è sa chasada en in bajetg nov l‘onn 1850.
Co il num di, sa drizza la Scola chantunala Griscuna tenor l‘incumbensa d‘instrucziun a l‘entir chantun ed è sco suletta scola Svizra obligada d‘esser trilingua. Instruì vegnan var 1250 scolaras e scolars (stan: 2012) en las trais partiziuns gimnasi, scola media spezialisada e scola media commerciala da circa 150 scolastas e scolasts.
Il rectur è Gion Lechmann. Tar l‘elecziun dal conrectur (Philippe Benguerel) e dals prorecturs (Christina Meier, Federico Godenzi e Cristina Maranta) vegn resguardà che tut las gruppas linguisticas e tut las regiuns dal chantun èn represchentadas.
Suenter ch‘il seminari da scolasts è vegni transcrit a la scola chantunala, stuevan ils scolars savens ir pliras giadas ils circa 200 meters lingia directa tranter il bajetg sper la Plessur e la chasa da scola Halde suenter a la fitg frequentada via da Son Gliezi.
Sut la plazza da pausa da la Scola chantunala grischuna sa chatta la chaplutta da Son Steffan.
This article uses material from the Wikipedia Rumantsch article Scola chantunala grischuna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il text è disponibel sut la licenza Creative Commons Attribution/Share-Alike; ulteriuras cundiziuns pon esser applitgablas. Detagls chattas ti en las cundiziuns d'utilisaziun. Vichipedia è ina marca registrada da la Wiki Du học, ina organisaziun senza finamira da profit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Rumantsch (DUHOCTRUNGQUOC.VN) is an independent company and has no affiliation with Wiki Foundation.