Arno Camenisch

El scriva tant per rumantsch sursilvan sco per tudestg.

Arno Camenisch è naschì l'onn 1978 a Tavanasa en la vischnanca sursilvana da Breil. El ha frequentà la scola primara e secundara da Danis-Tavanasa. Silsuenter ha el absolvà il seminari da scolasts a Cuira. Cura ch'el ha finì ses studi, è el viagià per l'Europa, l'Australia e l'America dil Sid enturn e dal 2004 fin il 2007 ha el vivì a Madrid en Spagna. Tranter il 2005 ed il 2009 ha el moderà l'emissiun Impuls al Radio Rumantsch. Dapi il settember 2007 viva Camenisch a Bienna nua ch'el ha frequentà l'Institut svizzer da litteratura.

Ultra da quai fa Arno Camenisch part da l'ensemble da spoken word Bern ist überall.

Cudeschs

• 2005 Ernesto ed autras manzegnas (sursilvan)

• 2013 Las flurs dil di (rumantsch)
• 2013 Fred und Franz (tudestg)

Cudeschs auditivs

legids da l'autur sez

• 2010 Sez Ner
• 2010 Hinter dem Bahnhof

Gieus auditivs

• 2012 Ustrinkata (tudestg grischun; 3 da december 2012, DRS 1), era cumparì sin dc en la chasa editura Merian

Publicaziuns en antologias

• 2008 Ein paar Gedichte en Zwischen den Zeilen, 29 (sursilvan e tudestg)

Plinavant ha el scrit differentas producziuns da teater, gieus auditivs, emissiuns da radio e diversas translaziuns. Arno Camenisch ha era publicà discs cumpacts sco per exempel 10 onns plema d'aur e „do you want a coffee?“.

Arno Camenisch ha obtenì plirs premis ed onuraziuns per sias lavurs, tranter quels:

• 2001 Plema d'aur
• 2003 Premi dal public als Dis da Litteratura
• 2006 contribuziun ad in'ovra GiuRu
• 2007 contribuziun ad in'ovra Pro Helvetia
• 2010 ZKB Schillerpreis per Sez Ner
• 2010 Premi da litteratura da Berna per Sez Ner
• 2010 Premi Term Bel per il text Ustrinkata (Dis da Litteratura)

• Pagina d'internet dad Arno Camenisch (sursilvan e tudestg)
• Arno Camenisch en il lexicon da l'uniun Auturas ed Auturs da la Svizra (ADS)
• Profil dad Arno Camenisch, dossier Noss Auturs dad RTR