prims Pass

Sco alternativa exista in tutorial tudestg per retschaiver ina introducziun en las modas da lavurar tar Vichipedia.

Avant che cumanzar a scriver, qua ils pli impurtants princips da Vichipedia:

• Scriva a moda objectiva, neutrala ed en frasas cumplettas.
• Copiar texts da paginas estras è tabu.
• Vichipedia n'è betg ina plattafuorma per sa preschentar e far reclama.

Tes emprims pass fas ti il meglier sin la plazza da gieu. Questa pagina è vegnida creada per far tests ed empruvar las funcziuns da Vichipedia. La pos scriver e far tge che ti vul.

 

Clicca sin l'artitgel pertutgant sissum sin il link editar.

 

I s'avra ina fanestra cun il text dal artitgel. Probablamain inscuntras ti in pèr segns curius. Quels procuran per la formataziun dal text e per ils links da Vichipedia tranter ils differents artitgels. En la fanestra da text pos ti uss midar l'artitgel, per exempel curreger in sbagl da scriver.

 

En il champ da text resumaziun inditgeschas ti tge che ti has midà - per exempel curregì in sbagl da scriver u curregì ina data.

Sche ti has curregì dapli che be in pled u ina cifra, sche clicca sin Mussar prevista e controllescha sche il resultat correspunda propi tes giavisch e pir lura pos ti arcunar l'artitgel. Nus tuts faschain sbagls, mo cun la funcziun da prevista èsi simpel da chattar els immediat. Sche ti ta disas da duvrar questa funcziun avant che arcunar definitivamain, spargnas fetg bler temp e dagrittas.

Tgi che vul savair pli percis co proceder, duai leger il manual tudestg.