موتی لال نہرو (6 مئی 1861–6 فروری 1931)الہٰ آباد، ہندستان دا اک وکیل اتے پنڈت جواہر لال نہرو دا پیؤ سی ۔ اوہ بھارت دی آزادی دی لڑائی دے موڈیاں وچوں سی۔
موتی لال نہرو اک کشمیری پنڈت ٹبر وچّ جمیا سی۔ اوہدے پیؤ دا ناں گنگادھر سی۔ اوہ لیندی ڈھنگ دی تعلیم (سکھیا )پاؤن والے پہلی پیڑھی دے گنے-چنے بھارتیاں وچوں سن۔ اوہ الہٰ آباد دے میر سینٹرل کالج وچّ پڑھیا پر بی اے دا امتحان نہیں دتا. ایس مگروں اوہ کیمبرج وچّ 1883 وچّ بار ایٹ لا ہوئیا اتے انگریزی عدالتاں وچّ وکیل دے روپ وچّ کم شروع کیتا۔
موتی لال نہرو دی سوانی دا نام سوروپ رانی سی۔ پنڈت جواہر لال نہرو اسدا اکو اک پتر سی تے دو دھیاں وی سن۔ اسدی وڈی دھی دا نام وجے لکشمی سی، جو اگے چلکے وجے لکشمی پنڈت نام نال مشہور ہوئی۔ اسدی چھوٹی دھی دا نام کرشنا سی۔
اگے چلکے اوہناں نے اپنی وکالت چھڈ کے بھارت دی آزادی لڑائی وچّ کیتا سی۔ 1922 وچّ اوہناں نے دیشبندھو چترنجن داس اتے لالا لاجپت رائے دے نال کانگرس پارٹی دے تحت سوراج پارٹی دا مڈھ رکھیا۔ 1928 وچّ کولکتہ وچّ ہوئے کانگرس اجلاس دے اوہ پردھان سن۔ 1928 وچّ کانگرس ولوں بھارت دا بھاوی سنویدھان بناؤن لئی ستھاپت کمیشن دے اوہ پردھان سن۔ اس کمیشن نے نہرو رپورٹ پیش کیتی۔
موتی لال نہرو نے الہٰ آباد وچّ اک عالیشان مکان لیا سی اتے اس دا نام آنند بھون رکھیا سی۔ بعد وچّ اوہناں نے ایہہ گھر کانگرس پارٹی نوں دے دتا۔
موتی لال نہرو دی 1931ء وچّ الہٰ آباد وچّ موت ہوئی۔
This article uses material from the Wikipedia شاہ مکھی پنجابی (Shāhmukhī Pañjābī) article موتی لال نہرو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.