عود
عود (Agarwood) اگروُڈ، ایلوس وُڈ، ایگل وُڈ یا گھرووُڈ اک خشبودار گہرے جوگن واݪی لکڑی اے جو اگر بتی، پرفیوم تے چھوٹے نقش و نگار وچ استعمال ہُندی اے۔ اس گوند واݪی لکڑی نوں عام طور تے عود کہیا جاندا اے۔ ایہ ایکیلیریا دے درختاں دے دل دی لکڑی وچ اُدوں بݨدی اے جدوں اوہ اک قِسم دے مولڈ (Phialophora parasitica) توں متاثر ہو جاندے نيں تے مولڈ ناݪ لڑن لئی اک جوگن چھپاؤندے نيں۔ انفیکشن توں پہلے، دل دی لکڑی heartwood بو دے بغیر، نسبتن ہلکی تے ہلکی رنگت دی ہُندی اے۔ پر جِداں جِداں انفیکشن وَدھدا اے، درخت اک گہری خوشبو واݪی رال پیدا کردا اے، جیہنوں ایلو یا اگر کہیا جاندا اے۔ حملے دے ردعمل وچ بہت سنگھݨی، کاݪی، رال ناݪ سرایت شدہ دل دی لکڑی ہُندی اے۔ رال ناݪ جڑی لکڑی نوں مشرقی تے جنوبی ایشیائی ثقافتاں وچ اوہدی مخصوص خوشبو لئی قدر دی نگاہ ناݪ دیکھیا جاندا اے تے اس طرحاں ایہنوں بخور تے عطر لئی استعمال کيتا جاندا اے۔
اگروڈ دی نسبتن نایاب تے ودھ قیمت دی اک اہم وجہ جنگلی وسائل دی کمی اے۔ 1995 دے بعد توں، Aquilaria malaccensis، بنیادی ماخذ، جنگلی حیوانات تے نباتات دی خطرے توں دوچار انواع وچ بین الاقوامی تجارت دے کنوینشن دے ذریعے ضمیما II (ممکنہ طور تے خطرے وچ پین واݪی نوع) وچ درج کيتا گیا اے۔ 2004 وچ Aquilaria دی تمام قسماں نوں ضمیما II وچ درج کيتا گیا سی۔ پر اس فہرست سازی دے حوالے ناݪ بہت سارے مُلکاں نوں تحفظات نيں۔
اگروڈ دی خشبودار خصوصیات انواع، جغرافیائی محل وقوع، اوہدی شاخ، تنے تے جڑھاں دی اصلیئت، انفیکشن توں بعد دے وقت، تے کٹائی تے پروسیسنگ دے طریقےآں توں متاثر ہُندیاں نيں۔
اعلا درجے دا عود دنیا دے سبھ توں مہنگے قدرتی خام مال وچوں اک اے، 2010 وچ اعلا خالص مواد دیاں قیمتاں US$100,000/kg تک سن، حالانکہ عملی طور تے لکڑی تے تیل وچ ملاوٹ عام اے، جیہدی وجہ توں قیمتاں وچ وادھا ہُندا اے۔ US$100/kg تک کعھٹ توں کعھٹ۔ جغرافیائی محل وقوع، نباتاتی انواع، مخصوص درخت دی عمر، ثقافتی ذخیرا تے درخت دا اوہ حِصا جتھوں عود دا ٹکڑا نکݪدا اے، معیار وچ وکھ وکھ خصوصیات تے مصنوعات مارکیٹ وچ موجود نيں۔[6] 2013 تک عود دی موجودہ عالمی منڈی دا تخمینا US$6-8 بلیئن دی حد وچ اے تے تیزی ناݪ ودھ رہیا اے۔
حوالے
This article uses material from the Wikipedia شاہ مکھی پنجابی (Shāhmukhī Pañjābī) article عود, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.