علی عظمت
علی عظمت (جم : 20 اپریل 1970) اک پاکستانی گلوکار ، گیت لکھاری ، موسیقار تے اداکار نیں ۔ اوہ مشہور صوفی راک بینڈ جنون تے اس توں بعد سولو کیریئر لئی مرکزی گلوکار دے طور تے مشہور نیں ۔ اوہ 2001 وچ اقوام متحدہ دی جنرل اسمبلی وچ پرفارم کرن والے پہلے پاکستانی بینڈ (جنون) دا حِصا سی ۔
| علی عظمت | |
 | |
| Ali Azmat
| |
| ناں : | علی عظمت بٹ |
| جنمستھان : | حویلیاں، ضلع ایبٹ آباد |
| جمݨ تریخ : | 20 اپریل 1970 |
| آبائی علاقا : | لہور ، پنجاب |
| قوم : | پنجابی |
| ماں بولی : | پنجابی |
| پیشا : | گلوکار، گیت لکھاری، موسیقار، اداکار |
| گائیکی خاصیئت : | راک، صوفی راک |
| ساز : | گٹار |
| بینڈ گروپ : | جنون، جیوپیٹیرز |
نِجی جیون
علی عظمت حویلیاں وچ پیدا ہوئے جِتھے اوہناں دے دادا حویلیاں ریلوے اسٹیشن دے اسٹیشن ماسٹر دے عہدے تے فائز سی ۔ علی عظمت لہور دے گڑھی شاہو وچ وڈے ہوئے ۔ اوہناں دے والد نذیر احمد بٹ اک متوسط طبقے دے تاجر سن ۔ علی عظمت اپݨی اعلا تعلیم لئی اسٹریلیا دے شہر سڈنی گئے ، لیکن یونیورسٹی توں فارغ ہوݨ توں پہلاں ای پاکستان واپس آگئے ۔ اوہناں دا پہلا بینڈ جیوپیٹرز لہور وچ چھوٹے گِگز وچ کور پرفارم کرن لئی جاݨیا جاندا سی ۔ علی عظمت نے اوہناں دے نال رہندے ہوئے اپݨا لیجینڈری ہِٹ گاݨا دوستی لکھیا ۔ اس توں بعد اوہناں نے دوستی نوں جنون بینڈ نال گایا تے ریکارڈ کیتا ۔ اس توں بعد اس گاݨے نوں قومی شہرت مِلی ۔ جنون نے سوپر دے زیر اہتمام کراچی وچ اک کنسرٹ وچ پرفارم کرکے 13 سال بعد کَم بیک کیتا ۔
کیریئر
علی عظمت نوں بنیادی طور تے پاپ گائیکی دی وجہ نال شہرت حاصل اے پَر گلوکاری توں علاوا اوہ اک موسیقار ، لکھاری تے اداکار وی نیں ۔ 1990 دے دہاکے وچ اوہناں دے موسیقی بینڈ گروپ جنون نوں بہت شہرت حاصل ہوئی تے بینڈ نے کئی ہِٹ گاݨے گائے ۔ بعد وچ جنون گروپ ٹٹ گیا ۔ علی عظمت نے کلے گاݨا گاوݨا شروع کر دِتا تے موسیقی دے نال نال اداکاری وی شروع کر دِتی ۔ 2013 دی لالی وڈ فلم وار وچ اک سیاست دان اعجاز احمد دا کردار نبھایا ۔ اس توں علاوا علی عظمت جیو دے پروگرام پاکستان آئیڈل دے جج دے طور تے وی شریک سی ۔
ڈِسکوگرافی
| سال | ایلبَمز | گیت |
|---|---|---|
| 2003 | پاپ | گرج برس |
| 2005 | سوشل سرکس | |
| 2008 | کلاشن فوک | |
| 2008 | کوک سٹوڈیو (سیزن 1) | گرج برس ، میں چلا |
| 2010 | جوشِ جنون | |
| 2011 | بَم پھٹا | |
| 2011 | چلتا میں جاوں | |
| 2012 | جسم 2 | مولا, یہ جِسم ہے تو کیا |
| 2012 | جوش | |
| 2013 | وار | |
| 2013 | کوک سٹوڈیو (سیزن 6) | بابو بھائی |
| 2015 | کوک سٹوڈیو (سیزن 7) | رنگیلا |
| 2016 | کوک سٹوڈیو (سیزن 9) | من کنٹو مولا |
| 2018 | کوک سٹوڈیو (سیزن 11) | دل ہے پاکستانی |
فِلموگرافی
- وار (2013)
- جھول (ان ریلیزڈ)
ہور دیکھو
This article uses material from the Wikipedia شاہ مکھی پنجابی (Shāhmukhī Pañjābī) article علی عظمت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.