پادشاہ نامہ

پادشاہنامہ مغل شہنشاہ شاہ جہاں دے عہدِ حکومت دی مکمل تریخ اے جس دی ابتدا شاہ جہاں دی پیدائش (1592ء) توں ہُندی اے تے اختتام 1647ء دے واقعات اُتے ہُندا اے۔ پادشاہنامہ عہدِ شاہجہانی دی مکمل تریخ اے جو چار جلداں اُتے مشتمل اے۔ اِس دی ہر جلد دا مصنف و مؤلف منفرد اے۔

جلد اول

پہلی جلد دا مصنف معتمد خاں اے تے اِس جلد وچ شاہ جہاں دی پیدائش 1592ء توں تخت نشینی 1628ء تک دے حالات درج نیں ۔

جلد دؤم

جلد دؤم تن دفتراں وچ تقسیم اے، اِس وچ 1628ء توں 1647ء تک دے حالات درج نیں۔ دوسری جلد دے مصنف عبدالحمید لاہوری سن۔

جلد سوم

جلد سوم دے مصنف مولوی محمد وارث سن تے اِس جلد وچ 1647ء توں 1657ء تک دے حالات درج نیں۔ تیسری جلد تریخ "عمل صالح" دا خلاصہ اے۔

جلد چہارم

جلد چہارم دے مصنف ملیا صالح کمبوہ سن تے اِس جلد وچ 1657ء توں 1659ء تک دے حالات درج نیں۔

• ہور پڑھو: جارج سوم، سعادت علی خان دوم

پادشاہنامہ دا اک مصوری نسخہ نواب اودھ سعادت علی خان دوم نے شہنشاہ انگلستان جارج سوم نوں بطور تحفہ بھجوایا سی جو اَب قلعہ ونڈسر دے شاہی کتب خانہ وچ موجود اے۔ علاوہ ازاں محمد قزوینی دے پادشاہنامہ دا اک نسخہ برٹش کتب خانہ وچ موجود اے۔ پادشاہنامہ دا اک نسخہ خدا بخش اورئینٹل پبلک لائبریری وچ محفوظ اے۔

•  
  ایرانی صفوی سفیر دربارِ شاہجہانی وچ - 1636ء
•  
  مغل کماندار خان جہاں قلعہ ادگیر دی فتح دے بعد - 1636ء
•  
  اورنگزیب عالمگیر اوڑچھا دی فتح دے بعد شہر وچ داخل ہندے ہوئے - 1636ء
•  
  مغل افواج قلعہ دولت آباد دی فتح دے بعد - 1636ء
•  
  مغل کماندار اعظم خان دھرور فتح کردے ہوئے - 1633ء
•  
  مئی 1631ء وچ صفویاں دا قندھار تے قبضہ - 1636ء

• شاہ جہاں
• عبدالحمید لاہوری