عاد
عاد اک قدیم عرب قوم اے جس دا ذکر قرآن مجید چ سورۃ ھود تے سورۃ الفجر چ اے ۔ اس قوم تے حضرت ھود علیہ سلام نوں نبی بنا کے بھیجئیا گئیا سی پر جدوں اس قوم نے شرک تے بت پرستی نا چھڈی تے اللہ نے عذاب نازل کر کے اسنوں تباہ کر دتا ۔ اس قوم دے تذکرے نوں کہانی سمجھئیا جاندا سی پر 20ویں صدی چ اس دے مرکزی شہر ارم ( عربی چ ارم ذات العماد تے انگریزی چ Waber , Uber ,Irem) دے آثار لبھے نیں جہڑے ربع الخالی دے اوس حصے چ نیں جہڑا اج کل عمان چ شامل اے ۔
عاد اصل چ حضرت نوح علیہ سلام دی چوتھی پیڑھی چوں سی ( عاد بن عوض بن ارم بن سام بن نوح) تے اس ناں تے اس قوم نوں عاد آکھئیا جاندا اے ۔ قوم عاد نوں روایات دے موجب اک وڈی ہنھیری نے تباہ کر دتا سی ۔ قرآن دے مطابق ایہہ قوم دنیا تے آخرت دوناں چ اللہ دی رحمت توں دور تے وانجھی(محروم یاں خالی) اے ۔
جدید کاہڈ (تحقیق) دے مطابق ایہہ قوم 3000 سال قبل مسیح توں لے کے پہلی صدی عیسوی تک موجود سی ۔ اینہاں نوں ہزار تھماں ( ستوناں) آلے شہر دی قوم وی آکھئیا جاندا اے ۔
This article uses material from the Wikipedia شاہ مکھی پنجابی (Shāhmukhī Pañjābī) article عاد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.