ژاں میری گستاو لے کلیزیؤ (سانچہ:IPA-fr; جم 13 اپریل 1940)، عامَ طور تے جے ایمّ۔ جی۔ لے کلیزیؤ وجوں جانیا جاندا، اک فرانسیسی لکھاری اتے پروفیسر اے۔ 40 توں ودھ کتاباں دے لکھاری، کلیزیؤ نوں اسدے ناول لے پروسے-ورلل لئی 1963 دا پرکس رناؤدوٹ انعام دتا گیا اتے اسدے جیون-بھر دے کم واسطے اسنوں ساہت لئی 2008 دا نوبل انعام نال نوازیا گیا گیا۔ سویڈن دی نوبل انعام کمیٹی نے اس نوں نویاں سمتاں، شعری ساہس-قدمی اتے احساسی وسماد دا لکھاری، غالب رہتل توں پرے اتے ہیٹھاں اک منکھتا دا کھوجی وجوں وڈیائیا اے۔
جے ایم جی لے کلیزیؤ | |
---|---|
لے کلیزیؤ 2008 وچ | |
جم | زیاں میری گستاو لے کلیزیؤ 13 آوریل 1940 (عمر: ۸۴ سال) نیس، فرانس |
کم کِتہ | لکھاری |
قومیت | فرانسیسی |
نسل | برٹون/فرانسیسی |
دور | 1963–ہن |
صنف | ناول، نکی کہانی، لیکھ، ترجمہ |
مضمون | نواس، پرواس، بچپن، ماحول |
وڈے کم | Le Procès-Verbal، Désert |
وڈے اعزاز | ساہت لئی نوبل انعام 2008 |
لی کلیزیؤ دی ماں دا جم فرانس دے رویرا شہر نائیس وچ اتے اس دے پیؤ دا ماریشیئس جزیرہ (جس تے بریٹیش دا حق سی، پر اس دا پیؤ نسلی طور تے برٹن سی) اتے ہویا سی۔ پیؤ اتے اسدی ماں دونوں دے پوروج مول طور تے برٹنی دے دکھنی ساحل تے موربیہن توں سن۔ اس دے دادا فرانسوئی الیکسی لے کلیزیؤ 1798 وچ فرانس توں بھجّ گیا سی اتے اپنی بیوی اتے دھی نال موریشیس وچ آ وسیا سی، جو اس ویلے اک فرانسیسی بستی سی پر چھیتی ہی بریٹیش ہتھاں وچ جان والی سی۔ بستیوادیاں نوں اپنے ریتی-رواج برقرار رکھن اتے فرینچ بولی دی ورتوں کرن دی اجازت دتی گئی سی۔ لے کلیزیؤ کسے ویلے کجھ مہینیاں توں زیادہ ویلے تک موریشیئس وچ نہیں رہا، پر اسنے کیہا کہ اوہ اپنے آپ نوں اک فرانسیسی اتے موریشیسیائی سمجھدا اے۔ اس کول دوہری فرینچ اتے موریشیائی شہریت اے (1968 وچ موریشیئس نے آزادی حاصل کیتی) اتے موریشیئس نوں اس نے اپنی "نکی مادر وطن" کیہا۔
لے کلیزیؤ دا جم اسدی ماں دے جدی شہر نائس وچ، دوج عالمی لڑائی دوران، جدوں اسدا پیؤ نائیجیریا وچ بریٹیش فوج وچ نوکری کردا سی، ہویا سی۔ اوہ 1948 تک نائس دے لاگے اک چھوٹے جہے پنڈ، راکیبلئیر وچ وڈا ہویا سی۔ اس دے بعد اوہ، اس دی ماں اتے اس دا بھرا نائیجیریا وچ اسدے پیؤ کول جان لئی جہاز وچ سوار ہوئے سی۔ اس دا 1991 دا ناول اونتشا انشک اپنی کہانی اے۔ 2004 دے اک لیکھ وچ، اس نے نائیجیریا وچ اپنے بچپن اتے اپنے ماپیاں نال اپنے رشتے بارے یاداں سانجھیاں کیتیاں ہن۔
1958 توں لے کے 1959 تک انگلینڈ وچ برسٹل یونیورسٹی وچ پڑھائی کرن توں بعد، اس نے نائس دے انسٹیٹیوٹ ڈی'ٹیوڈز لٹرریئرز وکھے اپنی انڈر گریجو ایٹ ڈگری کیتی۔ 1964 وچ لے کلیزیؤ نے پرووینس یونیورسٹی توں ہینری مکوکس تے اک تھیسس دے نال ماسٹر دی ڈگری حاصل کیتی۔
جین-میری کلیزیو اک فرانسیسی تے 2008 وچ ادب دا نوبل انعام جتن آلا اے۔
جین-میری کلیزیو | |
جمیا: | 13 اپریل 1930 فرانس |
کم : | لکھاری |
نوبل انعام لیا : | 2008 |
This article uses material from the Wikipedia شاہ مکھی پنجابی (Shāhmukhī Pañjābī) article جین-میری کلیزیو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.