تل ابیب

تل ابیب
عمومی معلومات
دیس	اسرائیل
ضلع	تل ابیب
رقبہ	51.8 مربع ک م
آبادی	391،300 (ام البلد: 3،150،800 بمطابق 2009ء)
موجودہ ناظم	رون ہلدائی

تل ابیب اسرائیل دا دوسرا وڈا شہر ہے۔ اس دی آبادی دا تخمینہ تقریباً 3 لکھ 91 ہزار نفوس ہے۔ اس شہر دا کل رقبہ 51.8 مربع کلومیٹر ہے تے ام البلد وچ کل 31 لکھ توں ودھ افراد آباد نیں (بمطابق 2008ء)۔ تل ابیب یافو بلدیہ ایتھے دے انتظام دی ذمہ داری نبھاندی ہے، جس دے سربراہ رون ہلدائی نیں۔

تل ابیب دی بنیاد 1909ء وچ تاریخی ساحلی شہر یافا دے باہر بحیرہ روم دے ساحلےآں تے رکھی گئی سی۔ اس شہر دی آبادی وچ اضافے دے نال ہی یافا دی اہمیت کم ہوندی گئی، جو عرباں دا اس علاقے وج سب توں وڈا مرکز منیا جاندا سی۔ 1950ء وچ ، اسرائیل دے معرض وجود آن آنے دے دو سال بعد تل ابیب تے یافا نوں اک ہی بلدیہ وچ ضم کر دتا گیا۔ تل ابیب دا "سفید شہر" یونیسکو دے عالمی ثقافتی ورثے دا حصہ ہے جو 2003ء وچ شامل کیتا گیا۔

تل ابیب دا شمار عالمی شہراں وچ کیتا جاندا ہے، جو اسرائیلی معیشت دا وڈا مرکز تے ملک دا امیر ترین شہر ہے۔ ایتھے بین الاقوامی اہمیت دے حامل دفاتر تے تحقیق دے شعبہ جات واقع نیں۔ ایتھے دے خوبصورت ساحل، شراب خانے، چائے خانے، ریستوراں، تجارتی مراکز، موسمی حالات تے نہایت جدید طرز زندگی نے اسنوں اک معروف سیاحتی مرکز دا درجہ دوایا ہے۔ ایہ اسرائیلی معیشت دی ریڑھ تصور کیتا جاندا ہے تے اس دی خاصیت فنون تے تجارتی مرکز دے طور تے عیاں ہے۔ 2008ء وچ فارن پالیسی جریدے نے بین الاقوامی اہمیت دے شہراں دی فہرست وچ تل ابیب نوں 42 واں درجہ دتا۔ تل ابیب دنیا دا 17 واں مہنگا ترین شہر ہے۔

جڑواں شہر

تل ابیب نوں دنیا بھر دے 27 شہراں دے نال جڑواں قرار دتا گیا ہے جدونکہ لاس اینجلس ، امریکہ دے نال ایہ شراکت دار شہر ہے۔ جڑواں شہرں دی فہرست درج ذیل ہے:

ازمیر ، ترکی از 1998ء الماتے ، قازقستان از 1999ء انچیون ، جنوبی کوریا از 2000ء ایسن ، جرمنی از 1992ء بداپست ، ہنگری از 1989ء برشلونہ ، ہسپانیہ از 1998ء بلغراد ، سربیا از 1990ء بون ، جرمنی از 1983ء بیجنگ ، چین از 1995ء

بیونس آئرس ، ارجنٹائن از 1988ء چشیناؤ ، مالدووا از 2000ء ساؤ پالو ، برازیل از 2004ء سالونیکا ، یونان از 1994ء صوفیہ ، بلغاریہ از 1992ء طولوس ، فرانس از 1962ء غزہ ، فلسطین از 1998ء فرینکفرٹ ، جرمنی از 1980ء فلاڈیلفیا ، امریکہ از 1967ء

کانے ، فرانس از 1993ء کولون ، جرمنی از 1979ء لوز ، پولینڈ از 1994ء لیماسول ، قبرص از 2000ء ماسکو ، روس از 2000ء میلان ، اطالیہ از 1994ء نیو یارک شہر ، امریکہ از 1996ء وارسا ، پولینڈ از 1992ء ویانا ، آسٹریا از 2005ء