| ||||
---|---|---|---|---|
حصہ | مسیت | |||
ودھ توں ودھ گنجائش | 100000 | |||
اقتتاح | اورنگزیب | |||
بنیاد | ۱۶۷۱ | |||
بناݨ والا | اورنگزیب | |||
انتظامی تقسیم | ||||
ملک | پاکستان | |||
وقوع تھاں | لہور | |||
حصے | ||||
عالمی ورثہ عہدہ | عارضی عالمی ثقافتی ورثہ سائٹ | |||
تعمیراتی مواد | ریتلا پتھر | |||
طرز تعمیر | مغلیا طرز تعمیر | |||
تقسیم اعلیٰ | لہور | |||
متناسقات | 31°35′17″N 74°18′34″E / 31.588055555556°N 74.309444444444°E | |||
وقوع متناسقات | ||||
اندرونی نظارہ | BadshahiInterior.jpg | |||
جیو رمز | 7043233 | |||
| ||||
ترمیم |
بادشاہی مسجد لہور پاکستان چ مغل بادشاہ اورنگزیب عالمگیر دی بنوائی ہوی مسیت اے۔ رقبے دے اعتبار توں اے پاکستان تے جنوبی ایشیا چ دوجی جدکہ پورے جگ چ پنجویں وڈی مسیت اے۔ اپنے مغلیہ طرز تعمیر تے خوبصورتی دی وجہ توں اے لہور دی مشہور پچھان تے علامت اے۔ ایس توں وکھ اے سیر و تفریح دے شوقین لوکاں لئی وڈی دلچسپی دی تھاں اے۔ اسلام آباد دی فیصل مسجد بنن توں پہلاں 1673 توں 1986 تکر اے جگ دی سب توں وڈی مسیت سی جتھے دس ہزار نمازی ھال چ تے اک لکھ دے نیڑے نمازی برآمدے آن چ سما سکدے نیں۔ ہن اے پاکستان تے جنوبی ایشیاء دی دوجی تے مکہ چ مسجد الحرام، مدینہ چ مسجد نبوی، کاسا بلانکا چ مسجد حسن ثانی تے فیصل مسجد توں مگروں جگ دی پنجویں وڈی مسیت اے۔
بادشاہی مسیت دی تعمیر دا حکم 1671 وچ چھیویں مغل بادشاہ اورنگزیب نیں دتا جنہوں نکا عالمگیر (جگ دا فاتح) وی آکھیا جاندا سی۔ ایدے تعمیر چ پورے دو ورے لگے تے اپریل 1673 چ اے مسیت تیار ہوئی۔ تعمیر دا کم مظفر حسین جیہڑا 1671 توں 1675 تکر لہور دا گورنر وی رئیا سی دی نگرانی چ کیتا گیا۔ اے اورنگزیب دا دودھ شریک بھرا سی۔ اے بادشاہ ول توپ خاے دا نگران وی سی۔ مغل سلطنت چ ایس مسیت دے قدرو اہمیت دی وجہ توں اے لہور قلعے دے نال پرلی طرف بنائی گئی۔ مسیت دی عمارت دے نال ہون کر کے قلعے ول اک وڈا دروازہ بنایا گیا جنوں بادشاہ دے ناں دی مناسبت نال عالمگیری دروازہ آکھیا جاندا اے۔
مسجد اندرون لاہور جاں پرانا لاہور، پاکستان دے نال واقع اے۔ مسجد دا داخلہ دوار آئتاکار حضوری باغ دے مغربی پاسے اے اتے قلعہ لاہور دے مشہور عالمگیری دروازہ ول اسدا منہ اے، جو کہ حضوری باغ دے پوربی پاسے واقع اے۔ مسجد دے نال روشنائی دروازہ دے وی لاگے واقع اے، جو لاہور دے مول 13 گیٹاں وچوں اک اے، جو حضوری باغ دے دکھن ول واقع اے۔
مسجد دے داخلہ دوار دے کول دکھنی بھارت دے سبھ توں وڈے شاعراں وچوں اک اتے بھارت دے مسلماناں لئی اڈّ دیس، پاکستان تحریک دے موڈھیاں وچوں اک محمد اقبال دا مقبرہ اے مسجد دے داخلے دے نیڑے سر سکندر حیات خان دا مقبرہ وی اے، جس نے مسجد دی سنبھال اتے بحالی وچ پرمکھ کردار نبھایا سی۔
مغل بادشاہ اورنگزیب عالم گیر نے اس مسجد نوں اپنے سوتیلے بھائی مظفر حسین، جس نوں پھدائی خان کوکا دے طور تے جانیا جاندا اے، دی نگرانی ہیٹھ تعمیر کروایا۔ 1671 توں 1673 تک مسجد دی تعمیر نوں دو سال لگے۔ ایہہ شاہی قلعہ دے ساہمنے تعمیر کیتی گئی، جس توں اس دی مغلیا دور وچ اہمیت دا پتہ لگدا اے۔اورنگزیب نے ایہہ مسجد مراٹھا بادشاہ چھترپتی شیواجی دے خلاف اپنیاں فوجی مہماں دی یاد وچ بناوائی سی۔ اساری مکمل ہون دے بعد 1673 وچ اسنوں کھولھ دتا گیا۔
7 جولائی 1799 نوں رنجیت سنگھ دی سکھ فوج نے لاہور دا قبضہ لے لیا۔ شہر اتے قبضہ ہون توں بعد، مہاراجہ رنجیت سنگھ نے اس دے وڈے ویہڑے نوں اپنی فوج دے گھوڑیاں لئی اک اصطبل وجوں ورتیا اتے اسدے 80 حجریاں نوں (ویہڑے دے چارے پاسے دے چھوٹے-چھوٹے کمریاں) اپنے فوجیاں لئی کوارٹراں وجوں اتے ملٹری سٹوراں وجوں ورتیا۔ 1818 وچ، اس نے مسجد دے ساہمنے حضوری باغ وچ اک سنگمرمر دی عمارت بنوائی، جس نوں حضوری باغ کیہا گیا، جس نوں اسنے اپنے سرکاری شاہی دربار دیوان-عام دے طور تے ورتیا۔ بارادری لئی سنگمرمر دیاں سلیباں شاید سکھاں ولوں لاہور دیاں ہور یادگاراں توں لٹیاں گئیاں سن۔ ۔
1841 وچ اینگلو سکھ جنگ دے دوران، رنجیت سنگھ دے لڑکے، شیر سنگھ نے مسجد دے وڈے میناراں نوں 'زمبورہ' جاں 'لائیٹ گناں' بیڑن دی جگہ لئی ورتیا۔ چند کور دے حمایتیاں نے گھیرے وچ آ چکے لاہور دے قلعہ وچ پناہ لئی ہوئی سی۔ اوہناں تے داغن لئی ایہہ توپاں ورتیاں گئیاں سن۔ ایہناں بمب دھماکیاں وچوں اک وچ، قلعے دی دیوان-عام تباہ ہو گیا سی، پر بعد وچ اسنوں بریٹیش راج ولوں دوبارہ بنایا گیا۔ اس ویلے دوران، شیر سنگھ دی فوج وچ نوکری کردے رسالے دے فرانسیسی افسر ہینری ڈی لا روچ نے، بادشاہی مسجد نوں لاہور قلعے نال جوڑن والی اک سرنگ نوں غیرمستقل طور تے بارود نوں سٹور کرن لئی وی ورتیا گیا۔
1848 وچ، سکھ بادشاہ رنجیت سنگھ دی سمادھی اس دی موت پچھوں مسجد دے نال لگدے اک تھاں تے بنائی گئی سی۔
1849 وچ بریٹیش نے سکھ راج توں لاہور دا قبضہ لے لیا۔ برطانوی راج دے دوران، مسجد اتے نال لگدے قلعے نوں اک فوجی گیریژن وجوں ورتیا جانا جاری رہا۔ اس دے وڈا ویہڑے دے آلے دوآلے دیاں کندھاں وچ بنے 80 کمریاں نوں انگریزاں نے 1857ء دی جنگ آزادی دے بعد ڈھاہ دتا سی، تاں جو اوہناں نوں بریٹیش مخالف کاروائیاں لئی استعمال ہون توں روکیا جا سکے۔ کمریاں نوں اوپن دالان بنا دتا گیا سی۔
اک فوجی گیریژن وجوں مسجد دے استعمال دے خلاف مسلماناں دی ودھدی ناراضگی نوں دیکھدیاں، بریٹیش نے بادشاہی مسجد اتھارٹی دا 1852 وچ قیام کیتا جس نے اس نوں مذہبی جگہ دے طور تے مڑ قائم کرن دی نگرانی کرنی سی۔ اس ویلے توں بعد، بادشاہی مسجد اتھارٹی دی نگرانی ہیٹھ مرمت دا کم ہولی ہولی کیتا جاندا رہا سی۔ ہندستان دے وائسرائے جون لارینس نے ایہہ عمارت مسلم بھائیچارے نوں واپس سونپی سی۔ ایہہ عمارت پھر اک مسجد وجوں مڑ قائم کیتی گئی سی۔
وکیمیڈیا کامنز چ مورتاں: بادشاہی مسجد |
وکیمیڈیا کامنز چ مورتاں: Badshahi Masjid |
دنیا دیاں وڈیاں مسیتاں | |||||||||||||||||
---|---|---|---|---|---|---|---|---|---|---|---|---|---|---|---|---|---|
درجہ | ناں | تھاں | گنجائش | رقبہ ( مربع میٹر ) | سال | فرقہ | |||||||||||
1 | مسجد الحرام | مکہ، سعودی عرب | 4,000,000 | 400,800 | 638 | ـــ | |||||||||||
2 | مسجد نبوی | مدینہ منورہ، سعودی عرب | 1,000,000 | 400,500 | 622 | ـــ | |||||||||||
3 | مزار امام علی رضا | مشہد، خراسان، ایران | 700,000 | 598,657 | 81 | اہل تشیع | |||||||||||
4 | جامع الصالح | صنعاء، یمن | 45,000 | 224,831 | 2008 | اہل سنت | |||||||||||
5 | مسجد اقصٰی | یروشلم، فلسطین | 250,000 | 144,000 | — | ـــ | |||||||||||
6 | مسجد استقلال | جکارتہ، انڈونیشیا | 120,000 | 95,000 | 1978 | اہل سنت | |||||||||||
7 | مسجد حسن ثانی | کاسابلانکا، مراکش | 105,000 | 90,000 | 1993 | اہل سنت | |||||||||||
8 | فیصل مسجد | اسلام آباد، پاکستان | 74,000 | 43,295 | 1986 | ـــ | |||||||||||
9 | بادشاہی مسجد | لاہور، پنجاب ،پاکستان | 110,000 | 29,867 | 1678 | ـــ | |||||||||||
10 | جامع مسجد دلی | دلی، بھارت | 85,000 | — | 1656 | اہل سنت | |||||||||||
11 | جامع مسجد شیخ زايد | ابوظہبی، متحدہ عرب امارات | 40,000 | 22,000 | 2007 | اہل سنت | |||||||||||
12 | بیت المکرم مسجد | ڈھاکہ، بنگلہ دیش | 30,000 | — | 1960 | اہل سنت | |||||||||||
13 | جامع الراجحي | ریاض، سعودی عرب | 20,500 | 13,260 | 2004 | اہل سنت | |||||||||||
14 | مسجد قباء | مدینہ منورہ، سعودی عرب | 20,000 | 13,500 | 622 | اہل سنت | |||||||||||
15 | جامع السلطان قابوس الأكبر | مسقط، عمان | 20,000 | 416,000 | 2001 | اباضیہ | |||||||||||
16 | مسجد عیدگاه | کاشغر، سنکیانگ، چین | 20,000 | 16,800 | 1442 | — | |||||||||||
17 | مسجد يوسف بے | مخچ قلعہ، داغستان، روس | 17,000 | — | 1996 | اہل سنت | |||||||||||
18 | مسجد نغارا | کوالالمپور، ملائیشیا | 15,000 | — | 1965 | اہل سنت | |||||||||||
19 | مسجد الكبير | کویت شہر، کویت | 13,000 | 20,000 | 1986 | — | |||||||||||
20 | مسجد اقصی | ربوہ، پاکستان | 12,000 | — | 1972 | احمدی | |||||||||||
21 | مکہ مسجد (حیدرآباد دکن) | حیدرآباد، دکن، آندھرا پردیش، بھارت | 10,000 | — | 1694 | اہل سنت | |||||||||||
22 | مسجد بيت الفتوح | لندن، برطانیہ | — | 30,000 | 2003 | احمدی | |||||||||||
23 | سلطان احمد مسجد | استنبول، ترکی | 10,000 | 4,608 | 1616 | اہل سنت | |||||||||||
24 | مسجد احمدالفاتح | منامہ، بحرین | 7,000 | — | 1987 | اہل سنت | |||||||||||
25 | مسجد سيدی ابراهيم الدسوقی | دسوق، مصر | 25,000 | 7,000 | 1277 | اہل سنت |
This article uses material from the Wikipedia شاہ مکھی پنجابی (Shāhmukhī Pañjābī) article بادشاہی مسیت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.