Eainnarungsvazerrung

Des heesd ma erinnad sisch selegdiv odda gibd dem was äm ä onnari Wischdischkaid unn Bedaidung alses mol kabd hodd.

Oafällisch fa den Deng’gfehla sinn zum Baischbiel Fall-Kontroll-Schdudjie, wummidma inde Medizin Risigofagdore fa Krong’ghaide finne will. Do’dzu werren Padjiende, wu die Krong’ghaid hawwen, gfochd, obse inde Vagongehaid die Risigofagdore kabd hawwen. Des was die Laid donn saachen, hängd dod’d’vu ab, obse sisch noch ridisch erinnare kennen. Donn hawwen Padjiende viellaischd a ä aischeni Voaschdellung was die Krong’ghaid bei ihne vaursachd hodd unn gwichden des donn schärga als onnae Fagdore wus in ihra Gschischd a gewwe hodd. Deswesche heesd doann a de Reporting Bias. Des heesd a, das des was die Laid saache dun dodvu abh'nge dud, was unn wie do gfrochd wead.

Uffde onna Said kennen Äazd d’zu naische, ä Krong’ghaid zu finne, wails n Risigofagdor bai jemond gewwe dud. Deswesche heesd doann a de Observer Bias.

Um des zu vahinnare, machd ma broschbegdive Schdudjie. Um die Vazerrung klää zu halde, hoddma in glinische Vasuch ä Zaidfenschda oigfiad, wu zwischede easchd Beobachdung vunde Padjiende unn iare negschde Beobachdunge vum glaische Eraigniss vageje muss.

In Schdujie fa Risigofagdore vun Bruschdgrebs hodda Frauwe b’frochd, wu die Krong’ghaid kabd hawwen, um meschlische Grind fa Krong’ghaid rauszukrische. Die Frauwe kennen viellaischd awwa ä großi Zahl vun Grind nenne, wuse deng’gen, dasses äm Oifluss uff ia Krong’ghaid kabd hawwe kend, als die Frauwe inde Kondrollgrubb, wu nedd krong’g gwesd sinn. Des konn dzu fiare, dass meschlische B’ziejunge vun potenzijelle Risigofagdore vunde Krong’ghaid iwwadriwwe werre.

• Ergewnisvazerrung
• Rosische Erinnarung
• Riggguggfehla