Dunning-Kruger-Effeggd

De populärwisseschafdlische B’griff gehd uff ä Schrifd vum David Dunning unn Justin Kruger vun 1999 zurigg. Dunning und Kruger hawwen in Schdudje gemärgd, dass zum Baischbiel baim Eafasse vun Tegschde, baim Schachspiele odda Audofahre Uuwissehaid ofd zu mea Selbschdvadrauwe fiad als Wisse.

Onde Cornell University hawwen die baide Wisseschafdla den Effeggd in waidare Experimende unnasuchd unn sinn 1999 zum Resuldad kumme, dass wenischa kompedende Laid

• dodzu naischen, sisch selwa zu iwwaschedze;
• Iwwaleschene Fähischkaide bai oannere nedd sejen;
• des Ausmaß vunde aischene Inkombedenz nedd seje kennen;
• awwa duasch Bildung odda Iwwung nedd bloß ia aische Kombedenz schdaigere kennen, sonddan a lerne kennen, sisch unn oannere Laid bessa oizuschedze.

Dunning unn Kruger hawwen g’zaischd, dass schwache Laischdunge midd greeßara Selbschdiwwaschedzung zomme keren. De David Dunning siehd zum Baisbiel a bai Bolidigga wie em Donald Trump Zaische vun dem Effeggd, wonna vun Dinge babbld, wua zaischd, dassa kä Ohnumg hodd.

Inde psischologische Fachlitaradua weadde Dunning-Kruger-Effeggd bloß selde uffgfiad, awwa in Blogs unn uff Dischbedierfore vum Internet unn in aggademische Publikatione außahalb vunde Psischologie hingesche ofd. Inna kognitionswisseschafdlische Publikation iwwas Laischne vunde menschg’machde globale Eawärmung weadde Dunning-Kruger-Effekt als ä meeschlischi Eagglerung fadie Ignoranz gescheniwwa vun wisseschafdlische Brozesse g’noand. Naijare wisseschafdlische Eakenndniss zaischen awwa, dass de Dunning-Kruger-Effekt dodruff nedd oag’wond werre koann. Des ded in easchda Linje oande zunemmende Ideologisierung unn Radikalisierung vunnde polidische Debadde lische.

Im Johr 2000 hawwen Dunning unn Kruger de satirische Ig-Nobelbrais fa die Unnasuchunge krischd.

Wonn Laid mähnen, dass ebbes vaschdonne hawwen, wozuma Fachwisse brauchd, biddmase om beschde, des mol ä bissele mehr im Detail zu ergläre. Wonnse des nedd kennen, b'kummense viellaischd die Erkenndns, dasse de Illusijon uffgsesse sinn, was vaschdonne zu hawwe.

•  Justin Kruger, David Dunning: Unskilled and unaware of it. How difficulties in recognizing one’s own incompetence lead to inflated self-assessments. In: Journal of Personality and Social Psychology. Band 77, Nr. 6, 1999, S. 1121–1134 (en, Volltext, Stand 3. März 2011).
• Mark Benecke: Lachende Wissenschaft: aus den Geheimarchiven des Spaß-Nobelpreises. Bastei Lübbe, Bergisch Gladbach 2005, ISBN 3-404-60556-X, S. 185–190.
• Philipp Hermanns: Organizational Hubris – Aufstieg und Fall einer Celebrity Firm am Beispiel der CargoLifter AG. Kölner Wissenschaftsverlag, Köln 2012, ISBN 978-3-942720-33-5. Zudem als Open-Access-Version verfügbar unter: FU Berlin: Dissertationen online.
• Stav Atir, David Dunning, Emily Rosenzweig: When Knowledge Knows No Bounds: Self-Perceived Expertise Predicts Claims of Impossible Knowledge. In: Psychological Science. Veröffentlicht online vor Druck am 14. Juli 2015, doi:10.1177/0956797615588195.
• D. Dunning, C. Heath, J. M. Suls: Flawed self-assessment: Implications for health, education, and the workplace. In: Psychological Science in the Public Interest. Band 5, Nr. 3, Dezember 2004, S. 69–106, doi:10.1111/j.1529-1006.2004.00018.x.
• D. Dunning, K. Johnson, J. Ehrlinger, J. Kruger: Why people fail to recognize their own incompetence. In: Current Directions in Psychological Science. Band 12, Nr. 3, Juni 2003, S. 83–87, doi:10.1111/1467-8721.01235.
• J. Ehrlinger, K. Johnson, M. Banner, D. Dunning, J. Kruger: Why the unskilled are unaware: Further explorations of (absent) self-insight among the incompetent. In: Organizational Behavior and Human Decision Processes. Band 105, Nr. 1, Januar 2008, S. 98–121, doi:10.1016/j.obhdp.2007.05.002.
• J. Ehrlinger, D. Dunning: How chronic self-views influence (and potentially mislead) estimates of performance. In: Journal of Personality and Social Psychology. Band 84, Nr. 1, Januar 2003, S. 5–17. PMID 12518967.