Daniela Katzenberger

Oktober 1986 in Ludwigshaafe g'boore un isch ä daitschi "Realideedsfä^rnsehe"-Dailneemerin, Gaschdronomin, Sängerin un schaffd a abunzu als Modl. Ihr Mudda, di Iris Klein, hot amol bai Bigg Brossa un beim Dschungl-Kämp mitg'machd.

 

Midm Bruda una Halwschweschda isch die Daniela in Ludwigshaafe uffgwagse. Ia Eldere hawen sich 1990 gdrend und schaide losse. Ia Schweschda, die Jennifer Frankhauser, machd gabunzu midde Daniela in Sendunge mid. De Schdiefvadda Peter Klein hod 2011 im Casting fa X-Factor deelgnumme.

Im Joa 2002 hoddie Daniela die Kopernikus-Realschule in Ludwigshaafe midde middla Raif abgschlosse. 2003 hodse donn ä äjährischi Ausbildung onde Berufsfachschul in Monnem ogfonge un 2004 als sdaadlisch oerkondi Kosmedigerin abgschlosse. Donn hodse easchmol im Bischdro als Kellnarin baide Mudda gschaffd.

Di Daniela isch a g'lerndi Kosmeedikerin, hot awer bald schun als Modl oag'fange zu schaffe un hot de Didel „Topmodel of the World Mallorca“ g'wunne. Sie hot ä sehr ordendlischi Owwerweit, die se sisch allerdings hot mache losse wie se selwer aa zugebbt. Bekoanda worre isch se doan mimm "Realideedsfä^rnsehe" unn midd Saife.ooban. Doan isse in de Schdaade rumg'faare, hot Sprich g'klobbt un versuchd beriimde Lait kennezulerne. Des isch doan a im Senda VOX g'zaischd worre. Irschendwie hotses doan imma wida g'schaffd in d'Buulewapress zu kumme un a ofd a im Fernsee'e uffzudreede. Un sie isch a äni vun de meischd g'suchde Lait im Indaned worre.

Jezd koamase in Guudbai Daitschlond! Die Auswoandara uff Mallorca see'e. Goans nai singtse jez a noch, hot schun ä Single Nothing's Gonna Stop Me Now uffg'numme un hot a ä aischäni Soub „Daniela Katzenberger – natürlich blond“ b'kumme. D'Katzenberger hod im 2010 än Bladdevatrach baide EMI unaschriwwe.

Än Werwevadrach mid änare Telefonvamiddlung hodse 2011 abg'schlosse und sisch mid Naggdfodos oan änere Agzion vum Tiaschudz b'dailischd. Ofoanf 2011 ischse baim 16. VIVA Comet 2011 in de Kadegorie Bester Durchstarter Zwedblazierdi worre und ulängschd hodse ia Selbschdbiografie Sei schlau, stell dich dumm vaeffendlischd.

Am 14. Ogdowa 2011 hodse ia Audobiografie Sei schlau, stell dich dumm vaeffendlischd. S'isch a glai inde Taschebuch-Lischd vum media control uffm Blads 5 oigschdiesche. Inde Schbischl-Lischd fa Taschebischa ischs Buch uffm Blads 4 oigschdische un isch donn uffde easchde Blads kumme.

Im Janua 2012 hod die Daniela gmoinsom midde Schuhmaage Romika un Ladystar ia eischeni Schuhraih uffde Maagd gbrochd. Inde Raih hods Highheels, Pumps un ona Zaisch. Im Auguschd 2012 hodse donn a noch Bade-Zaisch midde Firma Wenko, rausgbrochd.

Om 22. Merz 2012 hodse uff RTL bai Alarm für Cobra 11 im Film „Hundstage“ n'Uffdridd kabd.

Im Februa 2013 ho die Katzenberger zsomme midde Drogariemaagdkedd Müller ia zweddes Pafiem rausgbrochd.

• 2009: Goodbye Deutschland! Die Auswanderer
• 2010: Auf und davon – Mein Auslandstagebuch
• 2010: Daniela Katzenberger – plötzlich Popstar?!
• 2010: The Dome 55
• 2010: Das perfekte Promi-Dinner
• seit 2010: Daniela Katzenberger – natürlich blond
• 2010: Daniela Katzenberger – Mein Jahr 2010
• 2011: Daniela Katzenberger – Mein 2011
• 2012: Alarm für Cobra 11 (1. Folg: Hundstage)
• 2012: Daniela Katzenberger – Mein 2012
• 2013: Das Jenke-Experiment
• 2014: SWR Landesschau, SWR
• 2014: Frauchen und die Deiwelsmilch (uff Pälzisch)
• seit 2015: Daniela Katzenberger, RTL II
• 2016: Dance Dance Dance, RTL (mit Lucas Cordalis als Tanzpartner)
• 2016: Daniela Katzenberger – Mit Lucas im Weihnachtsfieber, RTL 2
• 2016: Die ultimative Chartshow - Die Silvesterparty, RTL
• 2017: Daniela und Lucas - Der erste Hochzeitstag, RTL2
• 2017: Promi Shopping Queen, VOX
• 2017: Traumhochzeit zum Schnäppchenpreis, RTL2
• 2017: 3 Boxen - dein Style, RTL2
• 2018: Wie im Märchen - Die schönsten royalen Hochzeiten aller Zeiten, RTL
• 2018: Traumhochzeiten - Stars, Royals und die große Liebe, WDR
• 2018: Das Frühstücksfernsehen, Sat1
• 2018: Die Martina Hill Show, Sat1

• 2011: LIMA-Awards fa Brand/VIP Sport Brand des Jahres
• 2011: 8.Quotenmeter.de - Fernsehpreis Beste Reality-Show fa „Daniela Katzenberger – natürlich blond“
• 2011: „Sexiest Women 2011“ des Männermagazins FHM, Platz 8
• 2011: Bravo Otto in Silwa fa TV-Star(w)
• 2012: Bravo Otto in Silwa fa TV-Star(w)

  Commons: Daniela Katzenberger – Sammlung vun Bilder, Video un Audiodataie

• Websaidt vun d' Daniela