S'alde Schbaimara Raadhaus ischä bkonndes schbedbarogges Haus uffde Maximiljoanschdrooß, wu unna Denkmolschudz schdeje dud.
Dialegd: Schbaimarisch |
Im 18. unn 19. Jaahunnad hawwen do die Schdaddvedda residiead. Unna onnarem ischde Raadssaal im Schdiel vum frije Rokoko sejenswead, wu haid haifisch Kommamussig uffgfiad wead. S'hischdorische Schdaddaaschiv wead haid fa Trauunge bnudzd.
De haidisch Bau hoddma inde Joa vun 1712 (Grundschdääleeschung) bis 1726 nochde Bleen vum kuapelsische Baumeeschda Johan Adam Breunig unnem Johann Jacob Böhrei oande Schdell vunde ejemolisch schdeddisch Konzlai unn zwee oannare Haisa uffgschdelld. Die alde Haise ausm 15. Jaahunnad, wu domol schdoanne sinn, sinn baim große Schdadbrond vun Schbaija im Joa 1689 zaschdead worre.
This article uses material from the Wikipedia Pälzisch article Altes Rathaus (Speyer), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.