Luc Declercq

Ch'est un poéte berche.

Il a écrit des poémes intimisses et pi des contes in walon-picard pi in franchoé.

Il a foait des archerche dins ch' donmène filolodjike, édseur ech wallo-picard.

il a écrit des pièches éd téyate aveuc s' troupe "Les Compagnons de la Joie".

Salut Braine !

Salut ! payis des mîs qu'a dodiné m-n'infance
yè wétî s'indaler l'yèrnu pas dèm clér tamps.
Salut ! clokî rchènant l'roc des vièyès cwayances
candlé d'piére èstokî din l'vile tout au mitan.

Salut ! rue d'Mons, Faubourg, ruwèle à kîs, Basséye,
Scaubecq, Espène, Oûssiére, Coraimont, Richercha,
Salut ! pièrdus amias iusquè dji swîs m'pinséye
qu'èle rastèle in djouglant des souvnis pa monchas.

Ô bon payis rinli pou fé skipi l'Brainète,
dj'intinds tocter l'Bajole su vos toûts acwagntés ;
yè les ancyins tayons èrviène-tè co putète
quand l'nûtt kèye, avû l'Bèle raguider vo biaté.

Pace-què mes moûrts à mi sont biercîs din vo tère,
dji vo vwas pu voltî què les indwas d'ayeû...
èt dji prinds din mes mains vo visâdje dè lumiére
pou mète su vos deux îs in bètchot d'amoureû.

À m'dernî cama (À min darin ami)

Quand dji sèrai stindant lauvau t-al cémintiére
vènez tèkfwas mérseû vos assîr dèlé mi ;
yè quand vos ârez fét l'mûznâdje dè vo priyére
vos m'dèvisrez tout bas... dji n'sèrai qu'insclimi.

Dj'ascoutrai vos nouvèles, les monvéses yè les bones.
Mins dj'ârai co puskî les souvnis dou vièy tamps ;
yè dji m'léyerai bièrcer au scoû d'ène vwas walone
qu'èle mè rapéje si bî avû ses mots cantants.

El solèy des djoûs outes, èl rire dè nos infances,
l'amour qu'a vnu nawére s'acwati dins nos cœur,
nos imbalmints ètou, nos carculs, nos doustances,
in lzès rpètant i chène qu'on rtît l'vîye qu'èle s'inkeurt.

Mins, tout l'mèyeû nanvé c'est quand vo fèrnazéye
ranch'nant tavau l'invwé d-ira rsakî tèkwas
in powinme roubliyî yu c'què m-nanme est dmoréye...
Adon, pou m'fé plési, disèz-le dins no patwas.

• Prix de l'expansion artistique et littéraire de Liège ( « Dèvîse al basse vwa » )
• Prix de littérature dialectale du Hainaut ( « Les kmins aminés » ).