Ju D'dgise
Ch'ju d'dgise est lonmé djise o ch'caterlet o ju d'bate o ju d'infikintchu (in anmiénoé = l' infique o bin l' intique ch'est un pitchet d'bos).
| |||||
|---|---|---|---|---|---|
| Domaine * | Jus | ||||
| Lieu d'inventaire | Heuts-d'Franche Picardie Boves | ||||
| * Descriptif officiel Ministère de la Culture et de la Communication (France) | |||||
modifier  | |||||
Chés infants, i jue'te ach "guilète". El dgise ( o ch'biglet ), ch'est un chilinte d'bos aveuc 24 cm d'londjeur pi 4 cm éd diamète. El dgise l'est taillée in pointe à chés deus bouts (d'neu cm pèr un bout pi sèt cm à ch'l'eute bout). Dins ch'ju d'dgise, i feut butcher un d'chés bouts del dgise aveuc l' bate. El bate ch'est un baton d'bos d'70 cm d'londjeur pi d'4 cm éd diamète. quante in butche el dgise, ale s'leuve pi i feut l'erbeutcher dins ch'l'air por l'invoéyer dindger l'pus loin possibe.
chés jueus
I y o unne étchipe d'atatchants pi unne étchipe d'défindeus. Ch'ju i s'pratique in deus keups = un keup por s'qualifier pi un keup por mértcher chés points.
Ch'bateu i doét seurtir el dgise dch'tchoin d'attaque pi l'invotéyer dindger au pus loin. Por cho, il o chinq keups; i feut toudi lancher l'pus loin possibe. Ch'bateu i crie: "djise" et pi ch'défindeu, i vo crier "drouète"
Si ch'défindeu il o ieu del canche, i atrape l' dgise, i crie "din m'castchette" et pi i gaingne. Si ch'défindeu, i n'atrape poin l' dgise, ch'l'atatchant i posse el bate tout près del'cailleu. Ch'défindeu i rmasse l' dgise pi i lanche el dgise por toucher l'bate. Alors, os disons qu'ch'jueu il est "débatu".
Ch'bateu i doét adviner ch'nombe d'bate qu'i y o d'pus el dgise djusqu'à ch'cailleu. Si i advine ben, cha vo li foaire gaingner des points:
por 12 bates ch'est 50 points
por 24 bates ch'est 100 points
por 36 bates ch'est 150 points.
Si ch'jueu i s'o berleuré, i n'mérque poin chés points. Il est "débatu".
Eutes jus proches
- in Italie = "Lippa", "Lipe", "Tirolo", obin "S-cianco" vu dins ch' film Watch Out, We're Mad!.
- Walonnie = l' brichte
- Croachie = ech pandorlo
- Hongrie = l' bige
- Inde = Gillidanda ( o Gulli Danda o Viti Dandu ... )
- Pilipines = syatong o pati-kubra (à Morong, Rizal) (conme gilli-danda)
- in Azerbaïdjan = Çilingağac (Chilingaghaj)
- in Espanne
- (Galice) = billarda
- in Catalonne et pi dins l' Conmeunité valinchiène = bòlit
- Dins chés Étots-Unis = pee-wee
- in Ingueltière = Tip-cat, giddy-gaddy et cat's pallet
- in Polonne = Klipa
- in Malajie = konda kondi
- in Russie pi Oucrinne = chizhik (чижик)
- ...
Notes pi référinches
- Edmond Tanière in avôt foait ène canchon ale juôt à l'guiss
- Achuchon Dgise dins z'Abes'
- à ch'L°1 dé l'rue d'ch'l'Ecmindint Jan - 80440 Bove - Picardie - Franche
Loéyins iperteskes por chés glincheus
This article uses material from the Wikipedia Picard article Ju d'dgise, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Picard (DUHOCTRUNGQUOC.VN) is an independent company and has no affiliation with Wiki Foundation.