Bieuvais l'est l'ville préfecture dech départmint d'l Oèse.
Bieuvais | |||
| |||
Mérrie d' Bieuvais | |||
Poéis | Franche | ||
---|---|---|---|
Région | Picardie | ||
Départmint | Oèse (préfécture) | ||
Rondichmint | Bieuvais (chéf-yu) | ||
Cainton | Bieuvais-Nord-Ouet, Bieuvais-Sud-Ouet, Bieuvais-Nord-Est | ||
Code Insee | 60057 | ||
Code postal | 60000 | ||
Maire | Caroline Cayeux 2008-2014 | ||
Intarconmeunalité | Conmunauté d'ramòÿmint dech Bieuvésis | ||
Coordonnées jourgrafiques | 2° 05′ 43″ E / 49.430278, 02.09520 | ||
Altitudes | moyenne : minimale : 57 m maximale : 170 m | ||
Supérfichie | 33.31 km² (3331 ha) | ||
Populachon sins doubes contes | 55 230 gins (2007) | ||
Dinchité | 1 658 gins/km² | ||
gintilé | Bieuvésiens | ||
Chite intarnète | www.beauvais.fr | ||
L’viule edvise ed Bieuvé =
Notice rédigée en picard par François Beauvy
L'viule capitale ed chés Bellovaques, tribu gauloèse, l'éteut Bratuspance. Leu cheuf Corréus il affronte chés Romains aveuc trébin d'astu mais i fénit par es foère escofier pi s'n armèye alle est écoèchèye par chés légions à Jules César in 52 dvant J. C. El ville alle est porlors déplachèye par ech vainqueur pi alle s'appéle "Caesaromagus" (ech martchè à César). Alle erprindro l'nom d'chés Bellovaques pus tèard : Bellovacum, qui donnero Belvaci pi Bieuvais ou Bieuvé (Beauvais in françoès). Bieuvé ch'est l'boinne fachon d'el dire in picard.
Saint Lucien l'o évingélisè chés gès d'Bieuvais àl fin dep 1er sièc.
El ville ed Bieuvais alle est pusieurs foès bersillèye par chés Normands tindi ch'9e sièc.
In 1358, alle connoèt chés Jacriyes ou chés Effroès dech Bieuvaisis. Cha o cminchè da l'vallèe d'l Oèse. "Jacques" l'éteut ch'nom qu'hés seigneurs i donneute à chés poèysans. Ep principal cheuf à chés Jacques l'éteut Guillaume Cale ou Carle, Picard un brin obliè inhnui. Tindi l'Guièarre ed Chint Ans (1337-1453), Bieuvais a souffre trébin d'l'otchupation inglaise.
In jouin 1472, chés Bourdjignons à Charles-ech-Téméraire il attacte el ville mais i sont poustitchès. Au 27 ed jouin, Jehanne Laisné, joinne ouvérière brisserèsse ed lainne, alle ide à seuver Bieuvais. Alle est applèye edpuis ch'temps lo Jehanne Cuignète o n'sait mie atcheuse (Jeanne Hachette in francoès). Un honmage li est tojors rindu chaque ènnèye à Bieuvais ach darin diminche ed jouin : chés fétes pi el anafilade histoèrique aveuc unhne "Jeanne Hachette" éluye tous hés ans.
Pou ch'XVIe sièc, o rtiendrons pusieurs révoltes ed chés ouvériers in lainne, unhne péste suiviye d'unhne disète. Al fin dech XVIIIe sièc, chés réformes ed 1789 a sont assez bièn erchuyes, mais chés horreurs del Révolution a rafréquitte chés chiboules. Bieuvais alle rèaste unhne ville putot trantchile.
In 1814, Bieuvais alle est otchupèye par chés orzins, pi coère in 1870. In 1914, Bieuvais rèaste unhne ville ed drière ef front, mais quéques Allemands i sont apeurchus dusque da l'plainhne ed Tillé. In 1940, ech mitan del ville il est intiérmint déberlaquè pi mis in fu par chés bombes. Infin, Bieuvais l'est décarcanèye par chés Améritchains au 30 d'août 1944. Dré 1945, on cminche à rarringer pi à foère edz immeubes tout neus lo doù qu'y aveut pu qu'des ruinhnes.
El ville alle o pus eq doublè ses gins dpuis 1940. In 2010, y o 55481 habitants.
El cathédrale Saint-Pierre. | ' |
Colbert i foèt siner à Louis XIV chl édit d'fondation del Mènufacture ed Bieuvais in 1664. In 1734, Jean-Baptiste Oudry il in dvient ch'directeu. Da l'z ènnèyes 1920, Jean Ajalbert ramonchéle des nouvieules oeuves aveu des rédeus d'sin temps, par ampe Raoul Dufy. Déwarwingnèye in 1940, el Mènufacture l'est aroutèye à chés Gobelins d'Pèris. Alle ervient à Bieuvais in 1989 da des bâtimints XIXe sièc rarringès pou cho ach feubourc Saint-Jacques.
This article uses material from the Wikipedia Picard article Bieuvais, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Picard (DUHOCTRUNGQUOC.VN) is an independent company and has no affiliation with Wiki Foundation.