Humphrey Hosé: Tenista di Antia i Venezuela
Humphrey Hubert Hosé (☆ 4 di mei 1947 na Willemstad) tabata un eks-tenista profeshonal di Kòrsou, ku a representá Venezuela den kampeonato di Kopa Davis.
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
| Pais di nashonalidat | Venezuela  |
|---|---|
| Nòmber di dilanti | Humphrey |
| Fam | Hose |
| Fecha di nasementu | 4 mei 1947 |
| Lugá di nasementu | Willemstad |
| Okupashon | tenista |
| Deporte | tennis |
Biografia
Humphrey Hosé a nase na Kòrsou den e famia Hosé-Pimentel. E tin un ruman muhé i dos ruman hòmber, di kua Robert (1949-2023) a bira kampeon y hungadó internashonal di pinpòn. Su omo Iyo Pimentel tabata tenista internashonal. Hosé a kuminsa praktiká tènis ku nuebe aña. Den tres aña e ta gana su promé título internashonal na edat di 12 aña i ku 18 aña ta bira kampeon di Kòrsou, título ku el a mantené pa dos aña konsekutivo.
Na 1965 e ta muda pa Venezuela i den dos aña ta titulá kampeon nashonal, tantu riba kancha di klei komo sement. Durante su estudio na Merka na University of Corpus Christi, entre 1967 i 1971, el a kontinua trein bou di Bob Mapes i tabata partisipa den torneonan di e sirkuito di tènis universitario. Despues di gradua el a bai kompetí den e sirkuito di tènis "Grand Prix". El a partisipa den e kategorianan individual, dòbel i dòbel miksto na varios kampeonato mundial, entre nan Roland Garros (1975), Wimbledon (1970, 1975-1977) i U.S. Open (1968-1970, 1972-1974). Huntu ku Roy Barth e ta gana e titulo dòbel maskulino na Merion Open den 1974. Hosé a representá Venezuela den Kopa Davis desde aña 1966 te 1979, ganando 17 biaha di un total di 26 wega, tantu individual komo dòbel.
Desde 1980, Hosé ta biba na Aruba, unda e ta traha komo entrenadó. Na 2007 el a bira e kapitan di e tim arubano di Kopa Davis. Ront di su karera deportivo a traha e dokumentario kòrtiku na 2015, titulá "The Sons of Mapes". E pelíkula, ku a wòrdu produsí pa su yu, Aaron Hosé, a wòrdu premiá na diferente festival di sine ront mundu. Hosé a wòrdu kondekorá komo miembro (lid) den Orden di Oranje-Nassau (2022).
Link eksterno
- Humprhey Hosé riba Association of Tennis professionals
- Humprhey Hosé riba International Tennis Federation
- Humprhey Hosé riba Davis Cup
Referensia
|
This article uses material from the Wikipedia Papiamentu article Humphrey Hosé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.