Calypso of Caiso ta un genero musical caribense cu a origina na Trinidad y Tobago den comienso di e prome mita di siglo 19 y cu pa meymey di siglo 20 a plama na resto di e islanan den region di Caribe, inkluso Caribe Hulandes y tambe na Venezuela.
Su ritmo tin laso cu e kaiso di West Africa y cu e kolonistanan franses den siglo 18 cu a trece e tradicion di carnaval for di e islanan franses. E baile ta den ritmo di dos kuart i ta karakterisá pa un figura di akompañamentu estrikto, kontra kua ta pone un sínkope den e melodia den forma di un di dos medida ku ta aksentuá adelantá. Calypso a evolua como un forma unico di musica durante temporada di Carnaval.
Supkategoria di | music of the Caribbean |
---|---|
Fecha di fundashon òf kreashon | 19. century |
Faseta di | music of Trinidad and Tobago |
Nòmber nativo | Calypso |
Pais di orígen | Trinidad i Tobago |
Praktiká pa | calypsonian, calypso musician |
E palabra calypso ta referi tanto na un ritmo caracteristico como un cantica cu letra. Musicalmente e ta un tipo di balada unda e letra ta trata temanan local di tur dia den un rima, tin biaha como forma di protesta.
E calypso a wordo popularisa mundialmente dor di Harry Belafonte y su hit clasico Banana Boat Song (Day O). For di calypso a sali multiple subgenero, manera soca (of soul-calypso) y ska.
Calypso a yega e seis isla di Caribe Hulandes cu e migrantenan for di Caribe anglofonico; specialmente e refinerianan Shell (Corsou) y Lago (Aruba), cu a lanta den añanan 1920, a atrae un gran cantidad di trahado migrante for di region. Den curso di tempo el a bira un genero popular integrando den e celebracion local di Carnaval, sinembargo desde 1971 Corsou a scoge pa remplasa e calypso (na Ingles) pa e tumba carnavalesco (na Papiamento).
Cuna di calypso na Aruba ta San Nicolas, luga unda mayoria di e migrantenan tabata biba. E calypso ta e musica di steelband mas importante, pero tambe e ta wordo trece cu instrumentonan convencional, specialmente na unda e steelband no ta nativo. Na Aruba en particular e ta wordo toca pa e asina yama brass bands. Desde 1964 ta organisa competencia di calypso (na 2013 a cambia nomber pa caiso) durante temporada di Carnaval sacando e monarca di caiso di Aruba; e composicionnan Arubiano ta uni elementonan original di e genero cu influensianan cultural local. Algun cantante conoci ta Lord Cobashi, King Paul, Lord Boxoe, Young Quicksilver, Long Roy, Lord Cachete y Mighty Talent.
Referensia
|
This article uses material from the Wikipedia Papiamentu article Calypso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.