Angela Altagracia (Tata) de Lannoy-Willems (☆ 31 di mei 1913 - † 10 di yüli 1983 na Kòrsou) tabata un polítiko di Kòrsou.
Na 1949 e tabata e promé muhé ku a bira miembro di Parlamento di Antias Hulandes.
Pais di nashonalidat | Reino Hulandes |
---|---|
Nòmber di dilanti | Angela |
Fecha di nasementu | 31 mei 1913 |
Lugá di nasementu | Kòrsou |
Fecha di fayesimentu | 10 yüli 1983 |
Okupashon | politiko |
Partido polítiko | Partido Nashonal di Pueblo |
E elekshon di 17 di mart 1949 pa Parlamento di Antias Hulandes tabata esun promé teni bou di e derecho di voto universal ku a keda introdusí na 1948 mediante di un kambio den konstitushon. Bou di e nomber di de Lannoy-Elisabeth e tabata postulá komo kandidato number 5 riba e lista di PNP. . Desde ku esaki a keda fundá na 1948 e tabata aktivo den e ala di damas di e partido. Inisialmente e no a keda elegí, risibiendo no mas ku 15 voto personal. Algun luna despues ora parlamentario Moises Frumencio da Costa Gomez a keda nombrá den e asina yamá College van Algemeen Bestuur (komparabel ku Konseho di Minister), de Lannoy-Willems ta huramentá dia 4 di ougùstùs 1949 komo su susesor i e promé miembro femenino di parlamento antiano. Hecho ku no tur hende tabata kontentu ku esaki e sali na kla ku e karikatura den "Loreto Real", un semanal satíriko, unda De Lannoy a keda portretá komo muhé sunu riba un buriko.
Na 1950 e ta wòrdu re-elegí i ta keda parlamentario te 13 di novèmber 1954. Den elekshon pa Konseho Insular di Kòrsou na 1951 e ta sali e kandidato femenino ku mayó voto (33 voto personal). E tabata konsehal di 1951 te meimei di 1954, ora ela entrega su retiro.
De Lannoy-Willems tabata kasá ku Frank (Frenki) de Lannoy, kende na 1952 a wòrdu nombrá direktor di Landsloterij.
Fuente, nota i/òf referensia |
This article uses material from the Wikipedia Papiamentu article Angela Altagracia de Lannoy-Willems, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.