Agan of heru ta un instrumento musikal ku tabata wòrdu usa antes na Kòrsou i Boneiru pa kompaña e instrumentonan tambú ku kachu durante fiestanan di kosecha.
E instrumento tabata traha di un djente di plu kibrá i su forma tabata brutu i e tabata pisa. Pa toka e agan e tokadó tabata tene e agan na e punta, di moda ku e parti rondo tabata keda drumi riba su brasa. E habri den su largura tabata keda ariba. Pa protehé su kueru di brasa e tokadó tabata bisti na su pols ku banchi traha di plachi heru, yama barba, riba kua e agan tabata sosega durante tokamentu. Ku un pida bara di heru yama manga, e tabata dale parti rondo dje agan ritmikamente. E agan ta wordu toka tambe ku dos pida heru (agan di tres pida) óf klabu grandi.
Banda di okashon nan manera seú i simadan e agan tabata wòrdu toka durante kargamentu di piedra pa duna e kargadónan mas animashon pa por hasi e trabou pisa. Segun desaroyo di tempu e agan a wòrdu remplasá pa e chapi, komo esei ta muchu mas fasil pa maneha.
Agan · Bamba · Bastel · Benta · Chapi · Gogorobi · Heru · Kachu · Ka'i Orgel · Kimba tutu · Matrimonial · Raspu · Tambú · Tambú grandi · Triangel · Wiri |
Referensia
|
This article uses material from the Wikipedia Papiamentu article Agan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.