Ing Flash Video o FLV lagiu ne ning metung a file format a gagamitan king pamagdalang video kapamilatan ning Internet kapamilatan ning Adobe Flash Player (a sadiang mayayaus a Macromedia Flash Player) versions 6–10.
Angga king version 9 update 2 ning Flash Player, ing Flash Video mangabaldugan yang file format a ating makibandi (proprietary file format), a maki extension a FLV. Susuportan ne ning pekabayung pamipalual ning Flash Player ing H.264 video ampo ing HE-AAC audio. Maliari muring ilangkap (embed) kareng simpan a SWF ing laman a Flash Video. Kayabe la kareng pikabaluan a gagamit king format a Flash Video deng YouTube, Google Video, Reuters.com, Yahoo! Video, ampong dakal a kumpaniang mamalita king telebisiun, kareng karelang website.
Maliari yang alben ing Flash Video kareng dakal a operating system, kapamilatan ning maleparan pangakalat a Adobe Flash Player ampong web browser plugin, o metung kareng mapilang third-party program anti reng MPlayer, VLC media player, Quicktime, o sanumang player a gagamit kareng DirectShow filter (alibawa ing Media Player Classic, Windows Media Player, ampong Windows Media Center) nung maka-install ya ing ffdshow filter.
Ing FLV player metung yang uri ning media player a gagamitan ba yang paganan ing flash video ibat kareng PC ampo kareng Internet website. Maliari yang gamitan dili na ing metung a FLV player, agiang e gagamit Adobe Flash authoring o developmental tool.
Template:Adobe Flash
This article uses material from the Wikipedia Kapampangan article Flash Video, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.