ਹਫ਼ੀਜ਼ ਤਾਹਿਰ ( Punjabi: حفیظ طاہر ) (ਜਨਮ 2 ਸਤੰਬਰ 1947) ਇੱਕ ਪਾਕਿਸਤਾਨੀ ਟੀਵੀ ਨਿਰਮਾਤਾ, ਨਿਰਦੇਸ਼ਕ, ਕਵੀ ਅਤੇ ਲੇਖਕ ਹੈ। ਉਹ ਬੱਚਿਆਂ ਦੇ ਮਸ਼ਹੂਰ ਟੀਵੀ ਸੀਰੀਅਲ 'ਐਨਕ ਵਾਲਾ ਜਿਨ' (1993) ਦਾ ਨਿਰਦੇਸ਼ਕ ਸੀ।
ਉਸਨੂੰ 23 ਮਾਰਚ 2023 ਨੂੰ ਨਿਰਮਾਤਾ ਵਜੋਂ ਪੀਟੀਵੀ ਲਈ ਅਸਾਧਾਰਨ ਪ੍ਰਦਰਸ਼ਨ ਲਈ ਰਾਸ਼ਟਰਪਤੀ ਦੇ ਤਮਗ਼ਾ ਹੁਸਨ ਕਾਰਕਰਦਗੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
ਹਫ਼ੀਜ਼ ਤਾਹਿਰ ਦਾ ਜਨਮ 2 ਸਤੰਬਰ 1947 ਨੂੰ ਲਾਹੌਰ, ਪਾਕਿਸਤਾਨ ਵਿੱਚ ਹੋਇਆ ਸੀ ਅਤੇ ਉਸਨੇ ਆਪਣੀ ਜ਼ਿਆਦਾਤਰ ਪੜ੍ਹਾਈ ਲਾਹੌਰ ਵਿੱਚ ਕੀਤੀ। ਉਹ ਇਸਲਾਮੀਆ ਕਾਲਜ ਰੇਲਵੇ ਰੋਡ, ਇਸਲਾਮੀਆ ਕਾਲਜ ਸਿਵਲ ਲਾਈਨਜ਼ ਤੋਂ ਬਾਅਦ ਨੈਸ਼ਨਲ ਕਾਲਜ ਆਫ਼ ਆਰਟਸ ਅਤੇ ਫਿਰ ਪੰਜਾਬ ਯੂਨੀਵਰਸਿਟੀ, ਲਾਹੌਰ ਵਿੱਚ ਪੜ੍ਹਿਆ। ਉਸਨੇ ਪ੍ਰਸ਼ਾਸਨਿਕ ਵਿਗਿਆਨ ਅਤੇ ਉਰਦੂ ਸਾਹਿਤ ਵਿੱਚ ਮਾਸਟਰ ਦੀਆਂ ਡਿਗਰੀਆਂ ਪ੍ਰਾਪਤ ਕੀਤੀਆਂ। ਸਿਆਸੀ ਤੌਰ 'ਤੇ, ਉਹ 1967 ਵਿੱਚ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੇ ਬਾਨੀ ਮੈਂਬਰਾਂ ਵਿੱਚੋਂ ਇੱਕ ਸੀ।
ਉਹ 1980 ਵਿੱਚ ਮਸ਼ਹੂਰ ਟੀਵੀ ਐਕਟਰ ਫ਼ਾਰੂਕ ਜ਼ਮੀਰ ਦੇ ਜ਼ੋਰ ਦੇਣ `ਤੇ ਪੀਟੀਵੀ ਵਿੱਚ ਸ਼ਾਮਲ ਹੋਇਆ। ਪਹਿਲਾਂ ਉੱਥੇ ਪ੍ਰੋਡਕਸ਼ਨ ਅਸਿਸਟੈਂਟ ਵਜੋਂ ਕੰਮ ਕਰਨ ਤੋਂ ਬਾਅਦ ਹਫ਼ੀਜ਼ ਤਾਹਿਰ ਨੇ 27 ਸਾਲਾਂ ਲਈ ਪ੍ਰੋਗਰਾਮ ਨਿਰਮਾਤਾ ਦੇ ਤੌਰ 'ਤੇ ਪੀਟੀਵੀ ਵਿੱਚ ਕੰਮ ਕੀਤਾ ਅਤੇ 2007 ਵਿੱਚ ਕਾਰਜਕਾਰੀ ਨਿਰਮਾਤਾ ਵਜੋਂ ਸੇਵਾਮੁਕਤ ਹੋ ਗਿਆ।
This article uses material from the Wikipedia ਪੰਜਾਬੀ article ਹਫੀਜ਼ ਤਾਹਿਰ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ਇਹ ਸਮੱਗਰੀ CC BY-SA 4.0 ਹੇਠ ਮੌਜੂਦ ਹੈ। ਅਜਿਹਾ ਨਾ ਹੋਣ ਉੱਤੇ ਵਿਸ਼ੇਸ਼ ਤੌਰ ਉੱਤੇ ਦੱਸਿਆ ਜਾਵੇਗਾ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ਪੰਜਾਬੀ (DUHOCTRUNGQUOC.VN) is an independent company and has no affiliation with Wiki Foundation.