Галковский, Дмитрий Евгенийы Фырт

Райгуырдис 1960-æм азы 4 июны Мæскуыйы. Йæ фыд уыдис заводы инженер, мад куыста хуыйæгæй. Дыууæ ныййарæгæн дæр сæ фыдæлтæ рацыдысты хъæууон сауджынты бинонтæй. 1977-æм азы каст фæцис 51-æм немыцаг сæрмагонд скъола. Скъола фæуыны фæстæ æртæ азы (1977—1980) фæкуыста Лихачёвы номыл заводы джиппыуадзæн корпусты рыгтæахсæг кусæнгæрзтæ рæвдзгæнæгæй. Уый фæстæ куыста лаборантæй Малиновскийы номыл бронетанкон æфсæдты Академийы (1980-æм азы). Цæмæй æфсадмæ акæнынæй хызт уа, уый тыххæй 1978-æм азы цалдæр мæйы фæхуыссыдис Кащенкойы номыл рынчындоны. Йæ царды ацы цау нывгонд æрцыдис йæ автобиографион пьесæ «Фæрæтæй конд кас» («Каша из топора»).

Каст фæцис Мæскуыйы паддзахадон университеты философион факультеты изæрон хайад (1980—1986). Йæ ахуыры профилон къабаз уыдис фæсарæйнаг философийы истори. Дипломы темæ: «Мæлæт æмæ хиамарыны мотивты анализ Платоны сфæлдыстады».

1985-æм азы скульптор Валерий Евдокимов скодта Галковскийы бронзæ бюст. Фæстæдæр уыцы бюст æвдыст цыдис цалдæр равдысты. 1988—1989 азты куыста Александр Морозовы «самиздатон» журнал «Параграф»-ы. 1980-æм азты цæрæнфæрæзтæ амал кодта æнæзакъон литературæ халдих æмæ уæй кæнынæй (хæлиу кодта «самиздат»).

1990-æм азты райдианы иуцасдæр фæкуыста уырыссаг литературæйы ахуыргæнæгæй Мæскуыйы театралон лицейы. Йæ ахуыргæнинæгтæй иу уыдиc ныртæккæйы зындгонд актрисæ Виктория Толстоганова. 1997-æм азы Дмитрий Галковский ссис литературон преми «Антибукер»-ы лауреат (преми нæ райста) .

Дмитрий Галковский у философион роман «Æнæкæрон къуырцдзæвæн»-ы («Бесконечный тупик», М., 1997, 1998, 2008) автор. Уымæй уæлдай ма ныффыста радзырдтæ, пьесæтæ æмæ публицистон уацтæ.

1996—1997 азты мыхуыры уагъта журнал «Саст хъыбыллæ» («Разбитый компас», рацыди æртæ номыры). Сарæзта советон поэзийы антологи «Уткоречь. Антология советской поэзии» (Псков, 2002). http://www.samisdat.com/6/6-antol.htm Архивгонд æрцыдис 28 августы 2008 азы.

2002-æм азы журнал «Новый мир» ныммыхуыр кодта киносценари «Бабызыцъиуты хæлар» («Друг утят»). Рауагъта дыууæ публицистон чиныджы: «Пропагандæ» (1990—1997 азты уацты æмбырдгонд, Псков, 2003) æмæ «Магнит» (2001—2004 азты уацты æмбырдгонд, Псков, 2004).

2003-æм азы байгом кодта блог LiveJournal-ы:  galkovsky — блог «LiveJournal»-ы, автор: Галковский, Дмитрий Евгенийы фырт

Уым фыссы уацтæ алыхуызон темæтыл. Йæ блогы тæккæ ахадгæдæр сты мæнæ ахæм темæтыл фыст уацтæ:

• 1991-æм азы августы паддзахадон фæфæлдæхты тыххæй. Фыццаг уац
• 1991-æм азы августы паддзахадон фæфæлдæхты тыххæй. Дыккаг уац
• 1991-æм азы августы паддзахадон фæфæлдæхты тыххæй. Æртыккаг уац
• Ахуырады тыххæй. Фыццаг уац
• Ахуырады тыххæй. Дыккаг уац
• Ардбахæрджыты тæрхондоны (суд присяжных) тыххæй. Фыццаг уац
• Ардбахæрджыты тæрхондоны (суд присяжных) тыххæй. Дыккаг уац
• Магелланы зæххыкъорийы алыварс балцы тыххæй
• Куадзæны сакъадахы тыххæй. Фыццаг уац
• Куадзæны сакъадахы тыххæй. Дыккаг уац
• Бæрзцъарыл фыстыты тыххæй
• Истори фальсификаци кæныны тыххæй. Фыццаг уац
• Истори фальсификаци кæныны тыххæй. Дыккаг уац
• Истори фальсификаци кæныны тыххæй. Æртыккаг уац
• Истори фальсификаци кæныны тыххæй. Цыппæрæм уац
• Троцкий æмæ социал-демократийы тыххæй
• Англисаг коммунистон партийы тыххæ
• Мафийы равзæрды тыххæй. Фыццаг уац
• Мафийы равзæрды тыххæй. Дыккаг уац
• Философийы тыххæй

• «Самиздат» — Дмитрий Галковскийы сервер
• «Утиная ПРАВДА» Архивгонд æрцыдис 18 декабры 2008 азы. — «Утиная правда»
• galkovsky.ru — Дмитрий Галковскийы сфæлдыстад иртасджыты сайт
•  galkovsky — блог «LiveJournal»-ы, автор: Дмитрий Галковский