Woody Guthrie (Okemah, 14 de julhet de 1912 – Nòva York, 3 d'octobre de 1967) foguèt un cantaire e musician folk nòrd-american, que compausèt mantuns centenats de cançons politicas, tradicionalas o enfantinas, baladas e òbras improvisadas.
Woody Guthrie | |||
---|---|---|---|
Naissença | 14 de julhet de 1912 Okemah, Oklahoma | ||
Decès | 3 d'octobre de 1967, Nòva York | ||
País d’origina | Estats Units | ||
Profession(s) | Autor-compositor-interprèt e Musiciana | ||
Genre(s) | Musica fòlk Musica acostica | ||
Instrument(s) | Cant, guitarra | ||
Annadas activas | 1930 a 1956 | ||
Labèl(s) | Vanguard Folkway Records | ||
Site Web | woodyguthrie.org | ||
Entoratge | Leadbelly, Sonny Terry, Cisco Huston, Pete Seeger | ||
Identificants | |||
|
Se produsiá sovent amb l'eslogan This Machine Kills Fascists (Aquela maquina tua los faissistas), pegat sus sa guitarra. Sa cançon pus famosa es This Land Is Your Land. D'unas de sas cançons enregistradas son archivadas a la librariá de Congrès dels Estats Units. Fòrça engatjat e compromés politicament, jamai cambièt pas lo sieu biais de pensar e d'obrar, fidèl a las siás idèas e las siás causidas, tostemps. Dins sas òbras cantèt mai que mai de contes de marginals, rebèls e deseretats.
D'èime anarquista, Woody Guthrie publiquèt en 26 ans de carrièra, de 1930 a 1956, 16 albums, sempre fasent mai cas de la qualitat que non pas de la quantitat.
Guthrie moriguèt pro jove quand aviá pas que 55 ans per encausa de las complicacions causadas per la malautiá d'Huntington, un desòrdre neurologic progressiu d'origina genetica. Del temps de sos darrièrs ans de vida, malgrat l'enfermetat, Guthrie faguèt de figura de proa dins lo movement de musica folk, e serviguèt d'inspiracion a tota una generacion de joves musicians de folk, e aguèt de relacions de mentòr per d'artistas coma Ramblin' Jack Elliott, Bob Dylan o Bruce Springsteen.
This article uses material from the Wikipedia Occitan article Woody Guthrie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.