La translacion es un movement de la Tèrra al torn del Solelh.
La causa d'aqueste movement es l'accion de la gravitat, en s'originant de cambiaments que, coma lo jorn, permeton lo mesurament del temps. Se se pren per referéncia lo temps passat entre un començament de la prima e lo seguent, quand lo Solelh se trapa al punt vernal, l'an tropic dura 365 d 5 h 48 min 46 s. Aqueste es l'an utilizat per realizar los calendaris. L'orbita descricha per la Tèrra es una trajectòria elliptica de 930 000 000 km a una distància mejana del Solelh de practicament 150 000 000 km o 1 UA (pus precisament 149 675 000 km). Se'n dedutz que la planeta se desplaça amb una velocitat mejana de 106 000 km/h o 29,5 km/s. Lo Solelh ocupa un dels fòcus de l'ellipsa e, per aquesta excentricitat, la distància entre lo Solelh e la Tèrra vària tot lo long de l'an. Al començament de genièr s'atenh la proximitat maximala al Solelh, apelada perièli, ont la distància es de 147 500 000 km, mentre que al començament de julhet s'atenh l'alunhament maximal, apelat afèli, ont la distància es de 152 600 000 km.
This article uses material from the Wikipedia Occitan article Translacion de la Tèrra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.