Lo Toscan qu'ei un vriulon d'Antonio Stradivari vadut en 1690.
Stradivari que'u he per'mor d'ua comanda deu Marqués Bartolomeo Ariberti qui volèva auherir, amassa dab d'autes instruments comandats au medish temps, un quintet (composat de : vriulon, vriulon alto, vriulon tenor, violoncèl) au Grand Princi Ferdinando II de' Medici qui èra clavecinista e violoncelista (lo violoncèl deu quintet qu'ei designat com lo Stradivarius Medici, de 1690 tanben de segur).
En 1794, lo purmèr vriulon de la Cort, Felice Mosell que'us venè a las estujadas ad un colleccionaire anglés : David Kerr, e, atau, que ho panat e que sortí d'Italia. Que passè de mans en mans, que cossirè peu talhèr deu gran laütier francés Jean-Baptiste Vuillaume e fin finala la violonista Gioconda de Vito que s'i escadè entà que l'Accademia Nazionale di Santa Cecilia e'us crompesse e desempuish que demòra dens lo Musèu deus Instrument de Musica de l'Accademia Nazionale di Santa Cecilia a Roma.
This article uses material from the Wikipedia Occitan article Stradivarius Lo Toscan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.