Lo Sten es un pistolet mitralhaire britanic intrat en servici en 1941 e principalament utilizat durant la Segonda Guèrra Mondiala.
Produch a quatre milions d'exemplaris, es una arma simpla, relativament leugiera (3,6 kg), poderosa (9 mm Parabellum) e capabla de tirar de 500 a 600 còps/mn a una portada eficaça de 100 m. Son aspècte particular ne'n faguèt una arma emblematica dau conflicte, especialament per lei movements de resisténcia que l'utilizèron fòrça gràcias a l'ajuda mandada per lei Britanics.
Dins lei fachs, foguèt un pistolet mitralhaire presat per sa poissança de fuòc a corta portada e sa simplicitat d'utilizacion. En particular, foguèt fòrça utilizat per leis unitats leugieras, compres aquela de la Wehrmacht. En revènge, mancava de fisabilitat car son mecanisme de cargament sus lo costat èra sensible. Après 1945, lo Sten foguèt utilizat per lei país eissits de l'Empèri Britanic, especialament Israèl, fins ais ans 1960-1970.
This article uses material from the Wikipedia Occitan article Sten, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.