Sten

Produch a quatre milions d'exemplaris, es una arma simpla, relativament leugiera (3,6 kg), poderosa (9 mm Parabellum) e capabla de tirar de 500 a 600 còps/mn a una portada eficaça de 100 m. Son aspècte particular ne'n faguèt una arma emblematica dau conflicte, especialament per lei movements de resisténcia que l'utilizèron fòrça gràcias a l'ajuda mandada per lei Britanics.

Dins lei fachs, foguèt un pistolet mitralhaire presat per sa poissança de fuòc a corta portada e sa simplicitat d'utilizacion. En particular, foguèt fòrça utilizat per leis unitats leugieras, compres aquela de la Wehrmacht. En revènge, mancava de fisabilitat car son mecanisme de cargament sus lo costat èra sensible. Après 1945, lo Sten foguèt utilizat per lei país eissits de l'Empèri Britanic, especialament Israèl, fins ais ans 1960-1970.

• Pistolet mitralhaire.