Provençau Lenga Viva
Provençau Lenga Viva (Prouvençau Lengo Vivo en grafia mistralenca), tanben escrich PLV, es una associacion d'ensenhament dau provençau.
Fondada en 2001, organiza cada annada d'estatges per leis escolans qu'aprènon lo provençau, e pòrge de contengut pedagogic ais escolans amb ai professors de lenga.
La devisa de l'associacion es un proverbi provençau : "La figuiera e l'olivier mòron pas sensa eiretier".
Istòria
L'associacion foguèt creada en 2001, a l'iniciativa de Vierginia Bigonnet, per una chorma de professors de provençau que volián promòure la lenga e la cultura provençalas. L'associacion pòrta de valors de dubertura e revendica d'anar en delà de la grafia e dau parlar locau.
Activitat
Estatges de provençau
Despuei 2001, l'associacion organiza d'estatges per leis escolans dau collegi e dau licèu qu'aprènon ò parlon lo provençau. N'i a un cada annada, que dura entre tres e cinc jorns de temps, generalament au moment dei vacanças d'abrieu, e es dubert a-n una trentena o quarantena (segon leis annadas) d'enfants entre 13 e 18 ans.
La chausida d'organizar un estatge venguèt d'una dobla remarca : una, que l'immersion lenguistica es un dei melhors biais d'apréner una lenga, e dòs, que leis escolans de provençau an gaire l'escasença d'ausir la lenga dins la vida vidanta maugrat que viscon dejà au païs, e lei professors de provençau pòdon pas faire de viatges escolaris d'immersion amb seis escolans coma lei professors d'espanhòu ò d'anglés.
La tòca es de promòure la lenga e la cultura provençalas, de la dinamizar, e de mostrar qu'es encara pron activa. Lo programa se vòu festiu e ludic, dins un ambient de dubertura ais autres e de rescòntre. Se compausa d'activitats (visitas, passejadas...), de juòcs, d'atalhers (cosina, cant, musica, tiatre, cònte, costume, dansa, colectatge, reviradura), e de cors o de conferéncias dins la jornada. Lo sèr se fai de balètis, de juòcs o de concerts donats per d'artistas occitans convidats.
Leis estatgiaris vènon per la maja part dei despartaments de Vau-Clusa e dei Bocas-dau-Ròse, amb quauqueis uns que vènon dau Var e deis Aups-de-Nauta-Provença. Quauqueis uns dei promiers participants ais estatges de provençaus ne'n son puei venguts d'animators.
Despuei 2019, l'associacion organiza tanben un estatge d'aquela mena per leis adultes, en collaboracion amb lo pargue dau Ventor e l'associacion L'escolo dóu Ventour.
Lista deis estatges
| An | Datas | Luòc | Tèma | Intervenents |
|---|---|---|---|---|
| 2024 | 21-24 d'abrieu | Licèu dei Rores, | Mario PLV | |
| 2023 | 23-26 d'abrieu | La guerra deis estèlas | ||
| 2022 | 10-13 d'abrieu | L'ostau de papier | ||
| 2021 | 28-29 d'octòbre | Disney PLV | ||
| 2020 | anullat | |||
| 2019 | 7-10 d'abrieu | Castèu de la Capèla, | La santat | Zoumai aqui |
| 2018 | 25-28 d'abrieu | PLV Produccions | Raskas | |
| 2017 | 9-12 d'abrieu | Mission Provença | Bric a Drac | |
| 2016 | 3-6 d'abrieu | Lei fèstas tradicionalas en Provença | La Capouliero, Lou Tapage | |
| 2013 | 13-16 d'abrieu | Lei supereròis provençaus | Raskas | |
| 2012 | 23-27 d'abrieu | Licèu dei Rores, | Viatge a travers lo monde | Cor D Lus, Lou Tapage, Lo Còr de la Plana |
| 2011 | 18-22 d'abrieu | Lei personatges fantastics de Provença | Original Occitana, Coriandre | |
| 2010 | 11-16 d'abrieu | Castèu Mongin, | Gramàtix e Tòfix, leis irreductibles provençaus | Cabr' e can, Lu Rauba Capèu, Andrieu Gabriel, Liza, J-B. Plantevin, R. Pasturel, S. Manganelli |
| 2009 | 27 d'abrieu-1 de mai | Mirèlha | Moussu T, Laurènç Cavalié amb lo trio dau Bartàs, Andrieu Gabriel, Cabr' e can | |
| 2008 | 14-18 d'abrieu | Castèu de Buòus | Estel'ac | Counvivènço, Crous e pielo, Charé Moulâ, Joan-Novè Mabelly |
| 2007 | 23-27 d'abrieu | Futur | Lo Còr de la Plana, L'as pagat lou capèu | |
| 2006 | 24-27 d'abrieu | Masc(a)s | Mai Aqui, Liza, Crous e pielo, J-B. Plantevin | |
| 2005 | 18-22 d'abrieu | Atge Mejan | R. Pasturel, Gaël Hemery, Ventadis, Jean-Louis Todisco, Jazz au Jas | |
| 2004 | 26-30 d'abrieu | Sensa tèma particular | Jean-Marie Carlotti, Toutaven, Lo Dalfin | |
| 2003 | 21-25 d'abrieu | Mont Ventor | Andrieu Gabriel, Duo Cheops, Hombeline, Les violons du rigaudon | |
| 2002 | 7-11 d'abrieu | Andrieu Chiron, Traucaterma | ||
| 2001 | 27 d'abrieu-1 de mai | Counvivènço, J-B. Plantevin, S. Manganelli, Mauresca Fracàs Dub, Lo Seriòl | ||
Autreis activitats
Administracion
L'equipa se compausa ara de 19 animators, amb de benevòles.
Nòtas e referéncias
This article uses material from the Wikipedia Occitan article Provençau Lenga Viva, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.