Lo pontin z-es un pastís de carn d'Auvèrnhe (sobretot de Chantau) mai tanben en Corresa).
Dins lo nòrd de l'Avairon se ditz farçon o farçum. Se compausa de charn de saucissa, de farina e d'uòus, e es farcit de prunas sechas dispausades en una teira. Se serv chaud o tebés. Amb lo restant, quand es freid, se copa en leschas que se fregisson e se servan chaudas, tipicament amb laituja o un mesclum o encara ensalada vèrda.
Prenetz una pèu de moton (es de peitrina de moton). Dobritz-la ambe lo ponh per formar una saca, corduratz-ne doas vòras, bòrd contra bòrd. Chaplatz menut totes los flòcs que penjan de la pèl, amb de ventresca (carnsalada facha amb de peitrina de pòrc), 1 culhièirada de ris que cal faire trempar a l’avança, 1 o 2 uòus e las èrbas : espinarcs o ensalada, o encara melhor d’èrbas de campanha (de roèlas jovas, de caurilhs, de renebres e lengas de buòus, d'aqueste darrièr pas tròp qu’es fòrt e pas tròp bon per los lombs, de bochimbarbas, d’escorcenaris, d’engraissamotons, de santjoseps, de pissa-a-lièches.… mas pas o pauc de blèdas o d’òrta que fa espetar la pèl). Las èrbas, un còp lavadas, las cau metre dins l’aiga que bolhís e quand a pres lo bolh, tiratz-la deel topin e mesclatz-las a çò resta. Un còp tot claplat e plan mesclat, es lo farçum. Ficatz-o tot dins la pèl e corduratz. Fagatz bolhir dins l’aiga bolhenta doas o tres oras plan planet. Se manja caud o freg en tot copar de lescadas. Las lescas, un còp frescas se pòdon tanben rostir a la padena amb un pauc d’òli.
This article uses material from the Wikipedia Occitan article Pontin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.