Lo Partit Trabalhista (en anglés Labour Party) es un partit politic britanic de centreesquèrra.
Lo Partit Trabalhista es fondat en 1900 pels sindicats. A partir de las annadas 1920, davanteja lo Partit Liberal e ven l'un dels dos partits principals del Reialme Unit amb lo Partit Conservador.
Aculhís tradicionalament una granda diversitat d'opinions, de fòrtament socialistas a socialdemocratas mas pren un virant centrista e liberal en l'economic dins las annadas 1990 e 2000 (nomenat New Labour) jos la direccion de Tony Blair puèi Gordon Brown, al poder de 1997 a 2010. Çaquelà, l'eleccion al cap del partit en setembre de 2015 de Jeremy Corbyn, membre de l'ala radicala del partit e fòrça critic del bilanç de Blair, marca un retorn a l'esquèrra.
Lo Partit Trabalhista forma actualament l'oposicion oficiala a la Cambra de las Comunas, e dirigís un govèrn minoritari al País de Galas.
Dempuèi 2020, lo cap del partit es Keir Starmer.
This article uses material from the Wikipedia Occitan article Partit Trabalhista (Reialme Unit), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.