Miègjorn-Pirenèus: Region francesa

Miègjorn-Pirenèus o Mieidia-Pirenèus (en francés Midi-Pyrénées) es una anciana region administrativa de l'estat francés, en Occitània. Creada artificialament sens tenir compte de las regions istoricas, èra facha a partir d'una part importanta del país lengadocian e probablament mens d'un tresen del territòri gascon vesin de Garona; recampava uèch departaments: Arièja, Avairon, Nauta Garona, Nauts Pirenèus, Gers, Òlt, Tarn e Tarn e Garona. Èra la pus granda region de l'estat francés amb uèch departaments e mai de 45 000 km². Son còde INSEE èra 73. Lo darrièr president de la region foguèt Martin Malvy.

Miègjorn-Pirenèus

Midi-Pyrénées (fr)
Bandièra
Nom oficial	Miègjorn-Pirenèus (oc)
Entitat	Region francesa
Eponim	Miègjorn e Pirenèus
Administracion
Estat	França
Capitala	Tolosa
Geografia
Coordenadas	43° 30′ 00″ N, 1° 20′ 00″ E
Superfícia	45 348 km²
Limitròf amb	Lengadòc-Rosselhon Auvèrnhe Lemosin Aquitània Auvèrnhe (region)
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	2 954 157 ab. (2013 )
• Densitat	65,14 ab./km²
Istòria
Posterior	Occitània
Autras informacions
ISO 3166-2	FR-N

La region es creada coma circonscripcion d'accion regionala lo 2 de junh de 1960. Ven un establiment public regional lo 5 de julhet de 1972. La « lei Deferre » (lei n°82-213 del 2 de març de 1982) ne fa una collectivitat territoriala de l'executiu elegit e parteja las competéncias entre l'Estat e las regions. Ven una collectivitat territoriala après las eleccions del 16 de març de 1986.

La refòrma de 2015 installa la fusion de la region amb la de Lengadòc-Rosselhon, jol nom provisòri de Lengadòc Rosselhon Miègjorn Pirenèus lo 1èr de genièr de 2016.

Article detalhat : TER de Miègjorn-Pirenèus

• Occitan, Occitània
• Comunas de Miègjorn-Pirenèus.

Ligams extèrnes

• (fr) Miègjorn-Pirenèus sus Wikivoyage
• (oc) Sit oficial Miègjorn-Pirenèus
• (fr) Torisme Miègjorn-Pirenèus
• (fr) Portal Miègjorn-Pirenèus
• (fr) Sit de calcul d'itinerari multimodal en Miègjorn-Pirenèus