Lo M113 es un veïcul de transpòrt de tropas desvolopat per leis Estats Units d'America dins lo corrent deis annadas 1950 e intrat en servici en 1960.
Gràcias a l'influéncia estatsunidenca, un còst feble e una mantenença aisada, foguèt un succès important ambé 100 000 unitats fabricadas e una produccion totjorn en cors. Cinc versions principalas (M113, M113A1, M113 A2, M113A3 e M113ACAV) e de centenaus de versions localas existisson.
Aperaquí 50 país utilizèron ò utilizan totjorn lo M113 que participèt a mai d'un conflicte major coma la Guèrra de Vietnam, la Guèrra de Kippour, lei guèrras indopaquistanesas de 1965 e 1971, lei guèrras estatsunidencas en Iraq, lei guèrras de Liban ò la Guèrra Civila Siriana. I a demostrat una mobilitat e una fisabilitat importantas mai son blindatge es vulnerable ais armas anticarris. Ansin, certaneis armadas l'utilizan plus coma veïcul de premiera linha ò desvolopan de versions dotadas de proteccions renfòrçadas.
This article uses material from the Wikipedia Occitan article M113, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.