Lo byte es, levat l'adreçatge fisic de la memòria, l'unitat mai pichona «logicament» adreçabla per un programa sus un ordinator.
Ara, lo besonh d'una estructura comuna pel partatge de l'informacion faguèt que los bytes de 8 bits se generalizèron en informatica, pasmens
Aquesta generalizacion menèt a çò que sovent se confond la nocion de byte amb la nocion d'octet que, coma son nom l’indica, conten exactament 8 bits (en anglés eight-bit byte).
Lo tèrme Byte foguèt creat en 1956 per Werner Buchholz alara que trabalhava a la concepcion de l'IBM Stretch. Es una deformacion ortografica volontària de l'anglés bite, literalament « bocada », per evitar la confusion amb bit per elision de la e finala. Lo tèrme designa per analogia l'unitat mai pichona de donadas accessibla via un bus de donadas.
Lo byte es l'unitat de sèrva d'un emplaçament memòria, que segon lo processor pòt variar de quatre a de desenas de bits. Cada constructor definissiá la talha del byte segon sos besonhs del moment. Atal, per exemple, lo PDP-10 utiliza un byte pel jòc d'instruccions en langatge maquine, qu'a una talha variabla. Sus aquesta mèsma arquitectura, los mots, utilizats per l'adreçatge memòria, fan 36 bits.
La capacitat memòria d'una nièra de memòria informatica es mai sovent donada en bits (b), megabits (Mb) o gigabits (Gb), alara que la capacitat memòria de l'ensemble de las nièras d'un ordinator es mai sovent donada en bytes (B), megabytes (MB) o gigabytes (GB), o en octets (o), megaoctets (Mo) o gigaoctets (Go).
La capacitat de las cartochas de videojòc es mai sovent donada en bits, çò que fa excepcion a l'usatge espandida del byte o de l'octet per la mesura d'una memòria complèta. Aquò permet d'utilizar de nombres mai dins la comunicacion, escrivant « cartouche de 8 Mb » (8 mégabits) au lieu de « cartouche de 1 Mo » (1 mégaoctet).
This article uses material from the Wikipedia Occitan article Byte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.