Lucifèr

Originàriament, qu'ei un deus noms qui los romans e balhavan a l'«estela deu matin», autament dit lo planeta Vènus. Qu'ei tanben un personatge de las mitologias romana e grèga, diu de la lutz e de la coneishença.

Non mencionat dens lo tèxt biblic, lo nom Lucifèr qu'ei utilizat dens la Vulgata tad arrevirar lo mot הילל (hêlêl o heylel "portaire de lutz") en Isaïas 14:12, qui n'apareish pas qu'un còp. Associat a l'orgulh, lo Lucifèr d'Isaïas qu'ei assimilat per la tradicion crestiana a Satan, presentat dens lo Libe d'Enòc com un arcàngel poderós descadut a la debuta deu temps per aver desfidat Diu.

Lo nom Lucifèr qu'apareish tanben dens la Vulgata com un títol de Crist, dens «et Lucifer oriatur in cordibus vestris» ("e [dinc a que] l'estela deu matin e's lhève dens los vòstes còrs") (2 Pèir 1:19).