Gòri (en georgian: გორი), es una vila dau centre de Georgia situada a la confluéncia dei rius Liakhvi e Kura.
Fondada per lo rèi georgian David IV (1089-1125), foguèt una importanta fortalesa durant l'Edat Mejana. Après l'annexion de la region per Russia au començament dau sègle XIX, recebèt l'estatut de vila. Durant lo periòde sovietic, venguèt un centre industriau e sa populacion aumentèt. En despiech d'una crisi economica grèva dins lo corrent deis ans 1990, agantava aperaquí 50 000 abitants en 2014.
Gòri გორი | |||||
---|---|---|---|---|---|
Fotografia de Gòri dempuei la fortalesa.. | |||||
| |||||
| |||||
Geografia fisica | |||||
Coordenadas | 41° 58′ 01″ N, 44° 06′ 00″ E | ||||
Geografia politica | |||||
País | Georgia | ||||
Mkhare | Shida Kartli | ||||
Geografia umana | |||||
Populacion (2014) | 48,143 ab. | ||||
Autras informacions | |||||
www.gori-municipality.ge/ |
La vila es dominada per la fortalesa medievala de Goristsikhe. A proximitat se tròba l'anciana vila trogloditica d'Oplistsikhe e la gleia d'Atenis Sioni, que data dau sègle VIIen.
En aost de 2008, durant la segonda guèrra d'Ossetia, foguèt bombardada e ocupada per lei fòrças armadas russas.
Gòri es tanben conegut per èstre lo luòc de naissença dau dictator sovietic Iòssif Stàlin, de l'engenhaire Alexander Nadiradze e dau filosòf Merab Mamardashvili.
This article uses material from the Wikipedia Occitan article Gòri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.