Ernesto Sabato (Rojas, Província de Buenos Aires, 1911-2011) qu'ei un escrivan argentin.
Profession: | escrivan |
---|---|
País: | Argentina |
Data de naissença: | 24 de junh de 1911 |
Luòc de naissença: | Rojas, Província de Buenos Aires, Argentina |
Data de decès: | 30 d'abril de 2011 |
Luòc de decès: | Santos Lugares, Província de Buenos Aires, Argentina |
De formacion scientifica (qu'a coneguda ua carrièra de las prestigiosas com cercaire) que s'ei virat de cap a la literatura en bèth escríver tres romans hèra famós : El Túnel (1948), Sobre héroes y tumbas (1961) e Abbadón el exterminador (1974).
Sus un plan ideologic, qu'ei estat un iportant membre deu Partit Comunista Argentin durant la purmèra meitat deu sègle XX abans de s'esluenhar per'mor de l'estalinisme ; antiperonista, qu'ei estat ua tempsada pròche de las juntas militaras qui hen càder lo generau Perón, abans de se'n desseparar per'mor deu lor emplec de la tortura. Qu'a marcat atau ua distincion enter lo son jutjament de cap a Perón e au peronisme d'un costat, e la figura politica d'Evita e deus obrèrs peronistas d'un aute.
A la debuta de la dictatura de 1976 que ho arrecebut entar disnar peu president de facto, çò qui'u hore arreprochat après. A la caduda de la Dictatura, lo navèth president democraticament elejut, Raúl Alfonsín, que'u demandè un rapòrt suus crimes de la dictatura e mei que sus la desaparicion e la detencion illegau de personas ; aqueth rapòrt que ho editat dab lo títol Nunca más ("anc jamei").
This article uses material from the Wikipedia Occitan article Ernesto Sabato, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.