Charles-Toana Ravèl (Charles-Antoine Ravel en francés) (1798–1860) z-es un poèta clarmondaire de linga occitana (auvernhat) e una persona importanta dau militantisme republican en Auvèrnha au sègle XIX. Son engatjament politique z-es en liam embei la revendicacion de l'occitan d'Auvèrnha e z-es coma un ressòn a la Prima daus pòbles e la Revolucion Francesa de 1848.
Charles-Toina Ravel | |
Pseudonim | Toino (Toana) |
---|---|
Naissença | 1798, Montferrand |
Decès | 1860, Clarmont |
Occupacion | poèta, militant republican |
Genre | satira |
Òbras | |
"La Païsada", "Dins Clarmont, supèrba viala", "Letra d'un poèta d'Auvèrnha au poèta de la Gasconha" |
D'un poent de veguda literari, z-es de mèsma còp satirista e poèta. Eschamja d'aquel biais embei d'autres autors occitans de son epòca coma le Jasemin. Bota maitot en plaça v-una de las promèiras temptativas de codificacion e d'estandardizacion daus parlars occitans en elaborant l'Arvernat.
Naissit dins una familha de vinherons de vès Montferrand, Ravèl enreja pro vistament l'escritura tèxtes en occitan auvernhat,. Le promèir conegut La Païsada escriut en 1818 z-es una satira e una critica dau movament reialista dins le quartèir de vès Montferrand au moment de la Restauracion e mai que mai au moment de la visita de la duchèssa Maria-Teresa de França.
Dins Le Combat daus rats e de las beletas se'n pren 'queste còp aus bonapartistas e a la realizacion dau roman nacionau que tòrna escriure l'Istòria.
This article uses material from the Wikipedia Occitan article Charles-Toana Ravèl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.